बिनविरोध ग्रामपंचायतींना आमदार अंतापुरकर देणार पाच लाखाचा निधी

बिलोली: होऊ घातलेल्या ग्राम पंचायत निवडणूकीत गावातील ईच्छुक उमेदवारांची वाढती संख्या यातून निर्माण होणारी गटबाजी,दुरावा,वेळ व पैशाची नासाडी हे सर्व टाळण्याच्या दृष्टीने तसेच गावात असलेले सलोख्याचे वातावरण कायम राहवे एकजुटीनं गावचा विकास साध्य करता यावा यासाठी म्हणून गावच्या एकजुटीने शक्य असलेल्या ग्राम पंचायतीची निवडून बिनविरोध व्हावी अशी अपेक्षा आमदार रावसाहेब अंतापुरकर यांनी केली आहे.सोबत देगलुर-बिलोली विधानसभा मतदार संघातील ज्या ग्रामपंचायती गुणागोविंदानं बिनविरोध निघतील अशा ग्रामपंचायतीच्या विकास कामासाठी पाच लाख रूपये निधी देणार असल्याचे सांगितले आहे.बिलोली तालुक्यात ७३ पैकी ६४ तर देगलुर तालुक्यात 91 पैकी 85 ग्रामपंचायतीच्या निवडणूका होत आहेत यामध्ये गाव पुढाऱ्यांनी पुढाकार घेऊन बिनविरोध निवडणूकीसाठी प्रयत्न करावेत असेही मत व्यक्त केले आहेत.

Read More

बिलोली घटनेच्या निषेधार्थ जिल्हाधिकारी कार्यालयावर महामोर्चा धडकला

नांदेड | बिलोली शहरातील एका मुकबधीर मुलीवर अत्याचार करून तिचा खून करण्यात आला या प्रकरणी आरोपीस अटक करून तात्काळ फाशीची शिक्षा देण्यात यावी या मागणीकरीता जिल्हाधिकारी कार्यालयावर महामोर्चा काढून घटनेचा निषेध केला .बिलोली शहरातील साठेनगर येथे एका मुकबधीर मुलीवर अत्याचार करून तिचा खून केल्याची घटना 9 डिसेंबर रोजी उघडकीस आली होती . या घटनेचा जिल्हाभर निषेध करण्यात येत आहे . परंतू मुख्य आरोपी अजूनही सापडले नसून पोलीसांनी फक्त संशयास्पद म्हणून एकाला आरोपी म्हणून पकडले आहे . या घटनेत इतर आरोपी असण्याची शक्यता आहे . याप्रकरणी आरोपीस तात्काळ पकडण्यात यावे , घटनेचा योग्य तपास तात्काळ लावावा व आरोपीला फाशीची शिक्षा देण्यात यावी या मागणीसाठी अण्णाभाऊ साठे यांच्या पुतळ्यास अभिवादन करून जिल्हाधिकारी कार्यालयावर निषेध महामोर्चा काढण्यात आला . या महामोर्चात कॉग्रेस , राष्ट्रवादी काँग्रेस , शिवसेना , भाजप यासह इतर संघटनांनी पाठींबा दिला होता . यावेळी जिल्हाधिकारी कार्यालयावर मोर्चा आल्यानंतर मान्यवरांनी आप - आपले मनोगत व्यक्त केले.आरोपीला तात्काळ अटक करून फाशी देण्यात यावी अशी मागणी यावेळी त आली .

Read More

खा.प्रतापराव पाटील चिखलीकर यांच्या सोबत भाजपा जिल्हा पदाधिकारी यांची पिडीत कुटुंबाला भेट.

बिलोली :शहरात दि. ९ डिसेंबर रोजी एका मुकबधिर युवतीवर बलात्कार करून तीचा खून करण्यापर्यंत कांही नराधमांची मजल गेली आहे.हा प्रकार अत्यंत घृणास्पद असून महाराष्ट्र सारख्या संतांच्या भुमीत हा निंदनीय प्रकार झाला आहे.प्राथनीय अवस्थेत एका संशयीत आरोपीला पकडून पोलीस स्टेशनमध्ये गुन्हा दाखल करण्यात आला आहे. हे जरी खरे असले तरी संशयीत हा संशयीतच न राहता पोलिसांनी खऱ्याखुऱ्या आरोपीचा शोध घेऊन त्यास तात्काळ अटक करावे आरोपी संशयीतच न राहता खऱ्याखुऱ्या आरोपीचा शोध घेऊन तात्काळ अटक करा. - असे प्रतिपादन खासदार प्रतापराव पा.चिखलीकर यांनी केले आहे.

दि.12 रोजी खा.चिखलीकर यांनी बिलोली शहरात पिडीत कुटुंबाची भेट घेऊन त्यांना सर्वतोपरी मदत करण्याचे अश्वासन देऊन मी तुमच्या सोबत आहे अशी ग्वाही दिली.त्याच प्रमाणे उदरनिर्वाहासाठी भारतीय जनता पक्षाच्या वतीने तात्पुरती आर्थिक मदत देऊ केली लगेच जिल्हा परिषद सदस्या तथा महीला मोर्चा महानगराध्यक्षा डाँ.मिनलताई पाटील खतगावकर,जि.प.सदस्य लक्ष्मणराव ठक्करवाड मा.आमदार अविनाश घाटे,यांनीही आर्थिक मदत देण्याचे जाहीर केले. यावेळी जिल्हाध्यक्ष व्यंकटराव पा.गोजेगावकर,युवा मोर्चा जिल्हाध्यक्ष किशोर देशमुख, प्रदेश कार्यकारिणी सदस्य रवी पा.खतगावकर, जिल्हा सरचिटणीस माधव पा.ऊच्चेकर,श्रावन पा. भिलवंडे,ता.अध्यक्ष श्रीनिवास पाटील नरवाडे,माजी नगराध्यक्ष सुभाष पवार,यशवंत गादगे, उमाकांतराव गोपछडे, तालुका सरचिटणीस शिवकुमार कोदळे, ता.ऊपाध्यक्ष मारोती पाटील दगडे, महेंद्र तुकडे,बालाजी पाटील दुगावकर,आनंदराव पाटील बिराजदार, भाजपा सोशल मीडिया तालुकाध्यक्ष साईनाथ शिरोळे,खैसर पटेल, राजु गादगे,साहेबराव अंजनिकर यांच्यासह बहुसंख्य भाजपाचे पदाधिकारी व कार्यकर्ते उपस्थित होते.

Read More

माजी केंद्रिय मंत्री खा. शरदचंद्र पवार यांचा वाढदिवसा निमित्त बिलोली ग्रामीण रुग्णालयात फळ वाटप

बिलोली:भारतीय राजकारणातील अष्टपैलू व्यक्तित्व,राष्ट्रवादी काँग्रेस पक्षाचे सर्वसर्वा माजी केंद्रीय कृषिमंत्री खा.शरद चंद्र पवार यांचा वाढदिवसा निमित्त आज दि.12 डिसेंम्बर रोजी ग्रामीण रुग्णालयात फळ वाटप करण्यात आले.

भारतीय राजकारणातील अष्टपैलू व्यक्तित्व राष्ट्रवादी काँग्रेस पक्षाचे अध्यक्ष माजी केंद्रीय कृषिमंत्री खा.शरदचंद्र पवार यांच्या 80 वा वाढ दिवसा निमित्त बिलोली राष्ट्रवादी काँग्रेस पार्टी तर्फे ग्रामीण रुग्णालयात रुग्णाना फळ वाटप करण्यात आले यावेळी वैद्यकीय अधिकारी डॉ. कैलाश शेडके,डॉ. झहीम सिद्दीखी, राष्ट्रवादी काँग्रेस पक्षाचे तालुका अध्यक्ष नागनाथ पाटिल सावळीकर,माजी.प.स.सभापती व्यंकट पांडवे,शहर अध्यक्ष अर्जुनराव अंकुशकर,युवक राष्ट्रवादी काँग्रेस तालुका अध्यक्ष रणजित पाटिल हिवराळे, नगरसेवक अनुप अंकुशकर,माजी उपाध्यक्ष न.प.गौसोदिन कुरेशी,जिल्हा उपाध्यक्ष अल्पसंख्यक शेख मोहसीन अहेमद,युवक काँग्रेस  जिल्हा सचिव संतोष उत्तरवार,तालुका अध्यक्ष सादीख पटेल,युवक अध्यक्ष विधानसभा आनंद गुडमलवार,संतोष पाटिल शेखापुरे, महाराज,विनोद सोनकांबळे आदी राष्ट्रवादी काँग्रेस पक्षाचे कार्यकर्ते उपस्थित होते.

Read More

बिलोली शहरातील मूकबधिर मुलीवर बलात्कार करून तिचा दगडाने ठेचून खुन

बिलोली: शहरातील झोपडपट्टी भागातील एका मूकबधिर मुलीवर बलात्कार करून तिचा दगडाने ठेचून खुन केल्याची घटना 9 डिसेंबर रोजी घडली. या प्रकरणी मुलीच्या चुलत भावाच्या फिर्यादी वरून आरोपी विरोधात बिलोली पोलीस ठाण्यात गुन्हा दाखल करण्यात आला आहे.या घटनेची माहिती मिळताच स्थानिक गुन्हा शाखेचे पोलीस निरीक्षक द्वारकादास चिखलीकर यांनी तात्काळ घटनास्थळी जाऊन एका आरोपीला ताब्यात घेतले आहे. बिलोली शहरातील झोपडपट्टी भागात राहणारी 27 वर्षीय युती दिनांक 9 डिसेंबर रोजी सायंकाळी स्वच्छालयासाठी जवळील जिल्हा परीषद शाळेच्या मागील परीसरात गेली असता आरोपीने तिच्या एकटे पणाचा फायदा घेत.तिच्यावर बलात्कार करून तिचा दगडाने ठेचून खुन केला.या प्रकरणी मयत मुलीच्या चुलत भावानी दिलेल्या फिर्यादी वरून बिलोली पोलीस ठाण्यात गुन्हा दाखल करण्यात आला आहे.या प्रकरणाचा तपास पोलीस निरीक्षक शिवाजी डोईफोडे यांच्या कडे आहे परंतु घटनेची गाभीर्य लक्षात घेऊन स्थानिक गुन्हा शाखेचे पोलीस निरीक्षक द्वारकादास चिखलीकर यांनी तात्काळ घटनास्थळी धाव घेऊन आरोपीला ताब्यात घेतले.या प्रकरणी भारतीय दंड संहिता कलम 302,376,(2) (1) , 354,354 D या प्रमाने गुन्हा दाखल करण्यात आहे.

Read More