December 2023 ~ नजर प्रत्येक बातमी वर

भोकर: शहरात वावरत असताना हया गोष्टी च सामना सामान्य माणसाच्या अधीन येत आहे . आणि दिवसात छोटे मोठे अपघात होत आहेत लहान मुले सायकल चालवत असताना त्यांच्या अपघाताची माहिती पण मिळत आहे पण अपघात करणाऱ्या लोकांचा शोध लागत नाही लवकर त्या वेळी जर कॅमेरे असतील तर गुनेगरास लवकर प्रशासन अधिकारी काबीज करतील. आणि भोकर उमरी रोड वर बीट भरत असलेल्या जागेच्या व्यातेरिक्त रस्त्याच्यावर गाडी किंवा माणूस जायला सुध्दा जागा राहत नाही जर काही गैर प्रकार घडला तर त्यास जबाब दार प्रशासन असेल का. असा प्रश्न पडतो.. आणि भोकरच्या सर्व शासकीय कार्यालय येथे सीसीटिव्ही कॅमेरे लावण्यात यावे याचं कारण अस की कर्मचारी वेळेवर न येत असल्या मुळे नागरिकांची हेळसांड होत आहे त्यांची परेषणी होत आहे तसेच विश्वकर्मा नगर मध्ये साचलेले कचरा तत्काळ दुसऱ्या ठिकाणीं उचलून नेण्यात यावा .. अन्यथा. शिव भीम सेने च्य वतीने तीव्र आंदोलन छेडण्यात येईल . चंद्रकांत मुस्तापुरे तालुका अध्यक्ष शिव भीम सेना

भोकर मध्ये श्री अयोध्या अक्षता कलश पुजन पदयात्रा संपन्न श्रीराम मंदिर लोकार्पणपुर्व पवित्र अक्षतांचे घरोघरी होणार वाटप

भोकर : श्री अयोद्या धाम येथून भोकर शहरात दाखल झालेल्या अक्षता व कलशाचे पुजन करण्यात येऊन श्रीरामाच्या जयघोषात दि.३० डिसेंबर रोजी शहरातील मुख्य रस्त्याने बहुसंख्य महिला,पुरुष आणि श्रीराम भक्त सहभागी झालेली भव्य अक्षता कलश पुजन पदयात्रा संपन्न झाली.

दि.३० डिसेंबर २०२३ रोजी सकाळी ११:०० वाजता श्री अयोध्या धाम येथून शहरात दाखल झालेल्या पवित्र अक्षता कलशाची पदयात्रेचा श्री विश्वकर्मा मंदीर दसरा हनुमान मंदिर परीसर येथून प्रारंभ करण्यात आला व ही पदयात्रा आद्य क्रांतिगुरु लहुजी साळवे चौक,बस स्थानक,छत्रपती शिवाजी महाराज चौक, डॉ.बाबासाहेब आंबेडकर चौक, हनुमान मंदीर जिनिंग,श्री बालाजी मंदीर,म.गांधी चौक मार्गे श्री राम मंदीर येथे पोहचली आणि श्रीरामाचा जयघोषात करत निघालेल्या या पदयात्रेचा तेथे समारोप करण्यात आला.या भव्य पदयात्रेत श्री दत्तसंस्थान कैलास गडाचे महंत उत्तमबन महाराज,महंत परमेश्वर महाराज,शहरातील प्रतिष्टीत नागरीक,महिला,अयप्पा स्वामी भक्त,श्रीराम भक्त यांसह बहुसंख्य नागरिकांचा सहभाग होता.

श्रीराम जन्मभूमी अयोध्येला श्रीराम मंदीरात रामलल्लाच्या मुर्तीची दि.२२ जानेवारी २०२३ रोजी बालस्वरुपात प्राणप्रतिष्ठापणा होणार आहे.याप्रसंगाचे औचित्य साधून या दिवशी संपुर्ण देशभरात प्रतिदिवाळीसम सण-उत्सव साजरा होणार आहे.याच अनुषंगाने श्री अयोध्येतून आलेल्या अक्षदा कलशातील अक्षतांचे भोकर तालुक्यातील गाव,वस्ती,तांडे व शहरातील घरोघरी वाटप होणार असून त्यामध्ये हिंदू समाजाकडुन भोकर तालुका अयोध्येसारखा सजविण्यात येणार आहे.यानिमित्ताने भोकर मध्ये विहिंप,बजरंग दल,राष्ट्रीय स्वयंसेवक संघ व सकल हिंदू समाजाकडून भव्य अक्षता कलश यात्रेचे आयोजन करण्यात आले होते.सदरील पदयात्रे दरम्यान पो.नि.नानासाहेब उबाळे यांच्या मार्गदर्शनाखाली चोख पोलीस बंदोबस्त ठेवण्यात आला होता.

नातेवाईकांच्या अंत्यविधीसाठी जाणाऱ्या दोघांचा आपघातात मृत्यूभोकर उमरी रोडवरील मातुळ येथे घडली हृदयद्रावक घटना

भोकर : प्रतिनिधी

तालुक्यातील हाडोळी येथील संजय बाबाराव जाधव (४२) आणि शामराव माणिकराव मिरासे (५२) हे दोघेजण हाडोळी येथुन आपल्या एका नातेवाईकांच्या अंत्यविधीसाठी जात असतांना भोकर उमरी रोडवरील मोघाळी गावाजवळ त्यांच्या दुचाकीला( क्र.एम.एच २६ बि.एल ७६४२ ) हायवा टिपर (क्र.एम.एच २६ बी.ई २२६१) ने जोराची धडक दिल्याने मोटारसायकल वरील संजय बाबाराव जाधव व शामराव माणिकराव मिरासे यांचा जागीच मृत्यू झाल्याची हृदयद्रावक घडली आहे.

आपघात होताच जवळपास च्या नागरिकांनी घटनास्थळी धाव घेतली आसता हायवा चालकाने हायवा रस्त्याच्या खाली सोडून पोबारा केला.या घटनेची माहिती मिळताच भोकर पोलीस स्टेशन चे सहायक पोलिस उपनिरीक्षक दिगांबर पाटिल व पो.काॅ मोईन यांनी घटनास्थळी धाव घेत पंचनामा करुन मृतदेह भोकर ग्रामीण रुग्णालय येथे शवविच्छेदनासाठी पाठवुन दिले. पोलिसांनी तात्काळ हायवा चालकास ताब्यात घेऊन गुन्हा दाखल केला आहे.एकाच गावातील दोन व्यक्तींचा आपघाती मृत्यू झाल्याने हाडोळी गावावरती शोककळा पसरली असुन गावांसह परिसरात मध्ये हळहळ व्यक्त होत आहे..

रात्री अपरात्री चोरुन रेती, मुरूम, या गौण खनिजाची वाहतुक करणाऱ्या हायवा गाड्यांची तालुक्यात मोठ्या प्रमाणात चढाओढ सूरु झाली आहे. या चढाओढीत अपघाताचे प्रमाण वाढले आहेत. रात्रीला बेफाम वेगात गाड्या पळवण्यात येत आहेत. अश्याने अपघाताच्या प्रमाणात वाढ झाली असल्याचा संताप व्यक्त होेत आहे. आजचाही अपघात याचाच परिपाक आसल्याचा ग्रामस्तात संताप व्यक्त होत आहे.

भोकर मध्ये पॅथॉलॉजी लॅब मधून होतेय रुग्णांची फसवणूक पँरा मेडिकल कौन्सिलच्या मार्गदर्शक सूचनांना हरताळ

भोकर:( प्रतिनिधी) शहरात विविध ठिकाणी बोगस पॅथॉलॉजी लॅब द्वारे रक्त चाचण्यांच्या माध्यमातून रुग्णांची फसवणूक करुन लूट केली जात आहे आता हे लोण तालुक्यातील ग्रामीण क्षेत्रातही पसरू लागले असून प्रशिक्षित मान्यताप्राप्त पॅथॉलॉजिस्ट नसताना बिनधास्त रक्त चाचण्यांचा अहवाल देउन आर्थिक लूट केली जात आहे..यात माञ महाराष्ट्र पँरा मेडिकल कौन्सिलच्या नियमांची उघडपणे पायमल्ली होत असताना दिसुन येत आहे.

पॅथॉलॉजी लॅबच्या माध्यमातून रक्तचाचणी करत असताना सर्वप्रथम तो मान्यताप्राप्त पदवी व पदविकाधारक आहे का? त्याची महाराष्ट्र पँरा मेडिकल कौन्सिलकडे नोंदतो केलील आहे का? लॅब धारक या क्षेत्रात निष्णात आहे का? रक्त चाचणीचे प्रमाणित रिपोर्ट त्यांना देता येतो का? कोरे लेटर पॅड देण्याचा एम.डी.पॅथॉलॉजिस्ट यांना अधिकार आहे का ? शहरातील अनेक पॅथॉलॉजिस्टकडे एमडी पथोलॉजिस्टचे कोरे लेटरप्याड आहेत. ते डॉक्टर कुठे असतात खरेच ते एम डी आहेत का? हे मात्र रामभरोसेच ! असे अनेक प्रश्न पॅथॉलॉजी लॅबच्या संदर्भाने सामोरं येतं आहेत.

पी एम सी रजिस्ट्रेशन व महाराष्ट्र पँरा वैद्यकीय परिषद मध्ये समाविष्ट नसलेल्या मान्यताप्राप्त मेडिकल लॅबोरेटरी टेक्नॉलॉजी पदवी, पदविका नसताना भोकर तालुक्यात आनेकजन चार – दोन दिवस कुठे तरी प्रॅक्टिस करुन तर काही यूट्यूबचा आधार घेऊन बिन्धास्त व्यवसाय करत डॉक्टरांशी हातमिळवणी करून अवास्तव शुल्क आकारत रूग्णांना गंडवत आहेत. यावर कोणत्याही अधिकाऱ्याचे वचक नसल्यामुळे दिवसागणित पॅथॉलॉजीची संख्या बळावत आहे. यातून कधी कुण्या रुग्णांच्या जीवावर बितेल हे मात्र येणारा काळच सांगणार आहे..

लॅबोरटरी सेवा मेडिकल कौन्सिल कौन्सिल कायदा 2011, 19 जुलै 2012 ,व 2016 चा अधिनियम क्रमांक 6 तसेच 30 जानेवारी 2016 अन्वये 18 ऑक्टोबर 2017 पासून सरकारने स्वतंत्रपणे पँरा वैद्यकीय परिषद अस्तित्वात आणले आहे या अधिनियमाखाली कलम 26 (1) अंतर्गत स्वतः स्पष्ट तरतूद केली आहे.

पँरामेडिकल कौन्सिल नोंदणीचे प्रमाणपत्र ज्याच्याकडे नसेल अशा स्वतंत्रपणे क्लिनिकल लॅब चालवणारा टेक्निशनवर महाराष्ट्र वैद्यकीय परिषद अधिनियम 2011 च्या कायद्यानुसार अपराध व व सारथी मधील कलम 31, 32 ,33 व यातील कलमान्वये कायदेशीर कारवाई करण्याची तरतूद अस्ताना बोगस लॅब चालकांवरती गुन्हे दाखल होत नाहीत. वैद्यकीय विभागाचे आधिकारी हातमिळवणी करून आहेत की काय असा चिंतेचा प्रश्न सामोर येत आहे.

भोकर तालुक्यात मोठ्या प्रमाणात बळवलेल्या या अनधिकृत पथोलॉजींची कसून चौकशी करून संबधीतावर योग्य ती कारवाई करावी अशी मागणी बसपाचे डॉ कैलास कानिंदे यांनी जिल्हा अधिकारी नांदेड ,जिल्हा शल्य चिकीत्सक नांदेड , जिल्हा आरोग्य अधिकारी नांदेड , उपविभागीय अधिकारी भोकर ,तहसीलदार भोकर वैद्यकिय अधिक्षक ग्रामीण रुग्णालय भोकर , तालुका अधिकारी भोकर यांच्याकडे एका निवेदना व्दारे केली आहे. संबंधीत वरिष्ठ आधिकारी यावर कोणती कार्यवाही करतील याकडे जनतेचे लक्ष लागून आहे.

भोकर तालुका राष्ट्रवादी काँग्रेसच्या वतीने इंजि.विश्वंभर पवार व आदींचा केला भव्य सत्कार

भोकर प्रतिनिधी : राष्ट्रवादी काँग्रेस पार्टी(अजित पवार गट)उत्तर नांदेड जिल्हाध्यक्ष इंजि.विश्वंभर पवार यांची नांदेड जिल्हा नियोजन समितीवर विशेष निमंत्रित सदस्य म्हणून नियुक्ती झाल्याने व राष्ट्रवादी काँग्रेस पार्टी ओबीसी विभाग प्रदेश उपाध्यक्षपदी बालाजी पाटील गौड आणि ओबीसी विभाग उत्तर नांदेड जिल्हाध्यक्षपदी आनंद डांगे यांची नियुक्ती झाल्याबद्दल भोकर तालुका राष्ट्रवादी काँग्रेस पार्टीच्या वतीने दि.२८ डिसेंबर रोजी भव्य सत्कार करण्यात येऊन पुढील सेवाकार्यासाठी त्यांना शुभेच्छा देण्यात आल्या.

राष्ट्रवादी काँग्रेस पार्टी (अजित पवार गट) उत्तर व दक्षिण नांदेड जिल्ह्याच्या ६ जणांची उपमुख्यमंत्री अजित दादा पवार यांनी नुकतीच नांदेड जिल्हा नियोजन समितीवर विशेष निमंत्रित सदस्य म्हणून नियुक्ती केली आहे.त्या नवनियुक्त विशेष निमंत्रित सदस्यांत उत्तर नांदेड जिल्हाध्यक्ष इंजि.विश्वंभर पवार, भोकर नगर परिषदेच्या माजी नगरसेविका श्रीमती अरुणा विनायकराव कदम देशमुख, किनवटचे माजी नगराध्यक्ष खान इसाखान सरदारखान यांचा समावेश आहे.तसेच राष्ट्रवादी काँग्रेस पार्टी ओबीसी विभागाचे प्रदेशाध्यक्ष कल्याण आखाडे यांनी भोकर येथील धडाडीचे युवा नेतृत्व बालाजी पाटील गौड यांची ओबीसी विभाग प्रदेश उपाध्यक्षपदी व युवा उद्योजक आनंद डांगे यांची ओबीसी विभाग उत्तर नांदेड जिल्हाध्यक्षपदी नुकतीच नियुक्ती केली आहे.उपरोक्त सर्वांच्या नवनियुक्तीच्या संदर्भाने त्यांचा यथोचित सत्कार करण्याच्या हेतूने भोकर तालुकाध्यक्ष राजेश्वर कदम देशमुख यांच्या पुढाकारातून राष्ट्रवादी काँग्रेस पार्टी तालुका शाखा भोकर च्या वतीने भोकर येथील संपर्क कार्यालयात दि.२८ डिसेंबर २०२३ रोजी सायंकाळी ५:०० वाजता इंजि.विश्वंभर पवार,बालाजी पाटील गौड व आनंद डांगे यांच्या भव्य सत्काराचे आयोजन करण्यात आले होते.

तालुकाध्यक्ष राजेश्वर कदम देशमुख यांचे सहकारी पदाधिकारी व कार्यकर्त्यांनी इंजि.विश्वंभर पवार, बालाजी पाटील गौड आणि आनंद डांगे यांचा भव्य सत्कार करुन पुढील सेवाकार्यासाठी त्यांना अगदी मनापासून खुप खुप हार्दिक शुभेच्छा दिल्या.यावेळी तालुकाध्यक्ष राजेश्वर कदम यांनी त्यांच्या मातोश्री माजी नगरसेविका श्रीमती अरुणा विनायकराव कदम यांची नियोजन समितीवर विशेष निमंत्रित सदस्य म्हणून नियुक्ती केल्याबद्दल तर बालाजी पाटील गौड व आनंद डांगे यांनी ओबीसी विभागाच्या उपरोक्त पदांवर नियुक्ती केल्याबद्दल उपमुख्यमंत्री अजित दादा पवार, प्रदेशाध्यक्ष सुनील तटकरे,संपर्क प्रमुख ना.धनंजय मुंडे,ओबीसी विभाग प्रदेशाध्यक्ष कल्याण आखाडे, उत्तर नांदेड जिल्हाध्यक्ष इंजि.विश्वंभर पवार यांसह आदींचे ऋण व्यक्त केले.तर नवनियुक्त सदस्य व पदाधिकाऱ्यांनी सर्व वरिष्ठांचे आभार मानले आणि पक्ष संघटन वाढीसह जनसामान्यांना न्याय देण्यासाठी सतत प्रयत्नशील राहण्याची ग्वाही दिली.यावेळी जिल्हा उपाध्यक्ष माधव देशमुख,जिल्हासरचिटणीस अहेमद करखेलीकर,श्याम देशमुख,रवी गेंटेवार,गणेश देशमुख,पंकज देशमुख भोशीकर,सतीश पाटील मातुळकर,राजू कोरटे,श्याम बोडेवार, ॲड.शेख सलीम,सिद्धू पाटील चिंचाळकर, प्रतीक कदम,फईम अहेमद पटेल,शेख जब्बार,तुकाराम महादावाड,बाळासाहेब नांदेकर,शंकर गाढे,राजू पांचाळ,महेंद्र दुधारे, विलास गुंडेराव,विजय पाटील सोळंके,मोहम्मद मझरोद्दीन,गजानन पाटील सोळंके,साहेबराव वाहूळकर, सचिन नांदेकर,नामदेव जाधव, अब्दुल मोईझ अब्दुल खदिर,सय्यद सुलतान,पुंडलिक गायकवाड यांसह आदींची उपस्थिती होती.सदरील सत्कार सोहळ्याचे सुरेख असे सुत्रसंचालन व आभार प्रदर्शन तालुका उपाध्यक्ष महेंद्रकुमार कांबळे यांनी केले.

राष्ट्रीय पुरोगामी पत्रकार संघ तालुका शाखा भोकर च्या वतीने ही नवनियुक्त सदस्य व पदाधिकारी यांचा सत्कार करुन शुभेच्छा देण्यात आल्या..

प्रादेशिक परिवहन कार्यालयाच्यावतीने तालुका स्तरावर शिबीर कार्यालयाचे आयोजन

नांदेड :- प्रादेशिक परिवहन कार्यालयाच्यावतीने शिकाऊ व पक्के अनुज्ञप्तीकरीता जानेवारी 2024 ते जून 2024 या कालावधीत पुढीलप्रमाणे तालुका शिबीर कार्यालयाचे आयोजन करण्याचे नियोजन करण्यात आले आहे. या शिबिरासाठी जागा उपलब्धतेच्या आधीन राहून ऑनलाईन अपॉईटमेंट ही महिना सुरू होण्याच्या 5 दिवस आधी कार्यालयीन वेळेत सुरू करण्यात येईल. अपाईमेंट घेतलेल्या सर्व अर्जदारांनी याबाबतची नोंद घेऊन शिबीर कार्यालयास उपस्थित रहावे, असे आवाहन प्रादेशिक परिवहन अधिकारी शैलेश कामत यांनी केले आहे.

कंधार तालुक्यासाठी 3 जानेवारी, 2 फेब्रुवारी, 4 मार्च, 3 एप्रिल, 3 मे, 4 जून असे राहील तर धर्माबाद 5 जानेवारी, 6 फेब्रुवारी, 6 मार्च, 5 एप्रिल, 7 मे, 7 जून 2024. किनवट तालुक्यासाठी 8 जानेवारी, 8 फेब्रुवारी, 12 मार्च, 10 एप्रिल, 10 मे, 10 जून. मुदखेड तालुक्यासाठी 15 जानेवारी, 14 फेब्रुवारी, 14 मार्च, 16 एप्रिल, 15 मे, 14 जून. माहूर तालुक्यासाठी 17 जानेवारी, 16 फेब्रुवारी, 18 मार्च, 18 एप्रिल, 17 मे, 18 जून. हदगाव तालुक्यासाठी 19 जानेवारी, 20 फेब्रुवारी, 20 मार्च, 22 एप्रिल, 22 मे, 21 जून. धर्माबाद तालुक्यासाठी 22 जानेवारी, 23 फेब्रुवारी, 22 मार्च, 24 एप्रिल, 24 मे, 24 जून. हिमायतनगर तालुक्यासाठी 25 जानेवारी, 27 फेब्रुवारी, 26 मार्च, 26 एप्रिल, 28 मे, 26 जून. किनवट तालुक्यासाठी 30 जानेवारी, 29 फेब्रुवारी, 28 मार्च, 30 एप्रिल, 30 मे, 28 जून 2024 याप्रमाणे तालुका शिबिराचे आयोजन करण्यात आले आहे.

नांदेड जिल्हा नियोजन समितीवर विशेष निमंत्रित सदस्य म्हणून इंजि.विश्वंभर पवार यांची नियुक्तीतसेच माजी नगरसेविका श्रीमती अरुणा विनायक कदम यांसह अन्य चौघांची ही झाली नियुक्ती

नांदेड : नांदेड जिल्हा नियोजन समितीच्या क्षेत्रातील निवासी असलेल्या व जिल्हा नियोजनाचा अनुभव असलेले राष्ट्रवादी काँग्रेस पार्टी (अजित पवार गट) उत्तर नांदेड चे जिल्हाध्यक्ष इंजि.विश्वंभर पवार व भोकर नगर परिषदेच्या लढवय्या माजी नगरसेविका श्रीमती अरुणा विनायकराव कदम देशमुख यांसह अन्य चौघांची ‘विशेष निमंत्रित’ सदस्य म्हणून नांदेड जिल्ह्याच्या जिल्हा नियोजन समितीवर राज्य शासनाने नियुक्ती( नामनिर्देशित) केली असून या सर्वांच्या नियुक्तीचे अनेकांतून अभिनंदन होत आहे.

प्रत्येक जिल्हास्थानी पालकमंत्री यांच्या अध्यक्षतेखाली जिल्हा नियोजन समिती कार्यरत असते व त्यांच्या माध्यमातून विविध विकास कामांसाठी शासकीय निधी वाटपाचे नियोजन केल्या जाते.त्यामुळे जिल्हा नियोजन समितीस एक प्रकारे विशेष महत्त्व आहे व या महत्त्वपुर्ण निर्णायक समितीवर विद्यमान सरकारमध्ये सहभागी असलेल्या पक्षाच्या पदाधिकारी व कार्यकर्त्यांना विशेष निमंत्रित सदस्य म्हणून नियुक्ती (नामनिर्देशित) दिल्या जाते.सद्या राज्यात भाजपा,शिवसेना (शिंदे गट) व राष्ट्रवादी काँग्रेस पार्टी (अजित दादा पवार गट) या पक्षांच्या महायुतीचे सरकार सेवारत आहे.या सरकारच्या युतीत राष्ट्रवादी काँग्रेस पार्टी (अजित दादा पवार गट) एक भागीदार पक्ष आहे.तसेच या पक्षाचे राष्ट्रीय अध्यक्ष अजित दादा पवार हे विद्यमान सरकारमध्ये उपमुख्यमंत्री पदावर सेवारत आहेत.त्यामुळे प्रत्येक जिल्हा स्थानी शासनाच्या जिल्हा नियोजन समितीवर या पक्षाच्या पदाधिकारी व कार्यकर्त्यांना विशेष निमंत्रित सदस्य म्हणून काम करण्याची संधी उपलब्ध करून देण्याचा त्यांचा प्रयत्न आहे.

मरणोत्तर देहदानाच्या संकल्पाने ‘भोसले दांपत्य’ करणार नववर्षाचे स्वागतत्यांच्या स्तुत्य निर्णयाचे विविध स्तरातून होत आहे अभिनंदन!

नादेड : नांदेड जिल्हा आरोग्य विभागातील हत्तीरोग नियंत्रण पथक नांदेड येथे प्रयोगशाऴा वैज्ञानिक अधिकारी म्हणून सेवारत असलेले संजय व्यंकटराव भोसले व त्यांच्या सुविद्य पत्नी सौ.सुनिता भोसले दोघे ही रा.नांदेड या दांपत्यांनी नवीन वर्षाेचे स्वागत एका अभिनव आणि सुंदर कल्पक भावनेतून करण्याचा निर्णय घेतला आहे.या दांपत्याने मरणोत्तर देहदान करण्याची इच्छा व्यक्त केेेली असून दि.१३ डिसेंबर २०२३ रोजी प्राध्यापक व विभाग प्रमुख,शरीररचना विभाग डॉ. शंकरराव चव्हाण शासकीय वैद्यकीय महाविद्यालय व रुग्णालय नांदेड यांच्याकडे रितसर नोंदणी प्रक्रिया केली आहे.

भोसले दांपत्य हे आरोग्य विभागात अगदी सामाजिक सेवाभावाने कर्तव्य बजावतात.’दान करावे तर ते दान इतरांच्या हयातीत महत्त्वपुर्ण व अजीवन उपयोगी ठरावे!’ अशी त्यांची उदात्त भावना आहे.आणि त्यात देहदान हे सर्व श्रेष्ठ दान आहे, असे ते नेहमीच इतरांना सांगतात.केवळ सांगतच नाहीत तर या दांपत्याने स्वतः मरणोत्तर देहदान करण्याची रितसर प्रक्रिया करुन नववर्षाचे स्वागत करण्याचा अभिनंदनिय निर्णय घेतला आहे.भोसले दांपत्याचा हा स्तुत्य निर्णय सर्वासाठी प्रेरणादायी असल्याचे मत अनेकांतून व्यक्त होत आहे.त्यांच्या सर्व सहकारी कर्मचारी,अधिकारी व मित्र परिवाराने या संकल्पनेचे जोरदार स्वागत आणि कौतूक केले असून मरणोत्तर देहदान करणाऱ्या या दांपत्याचे येत्या प्रजाकसत्ताक दिनी मान्यवरांच्या हस्ते पुष्पगुच्छ देवून सन्मान करण्याचे ठरविण्यात आले आहे.तसेत त्यांच्या या उदात्त संकल्पनेतून सर्व कर्मचाऱ्यांसह आदींना प्रेरणा मिळेल व मरणोत्तर देहदान करण्याची इच्छा होईल अशी अपेक्षा अनेकांतून व्यक्त होत असून या दांपत्यांच्या मरणोत्तर देहदान संकल्पा बाबत जिल्हा शल्यचिकित्सक डॉ.निळकंठ भोसीकर,जिल्हा आरोग्य अधिकारी डॉ.बालाजी शिंदे,जिल्हा हिवताप व हत्तीरोग अधिकारी डॉ.आकाश देशमुख,कार्यालयीन अधिक्षक कैलास सावळे,सहाय्यक अधिक्षक विजय चव्हाण,माधव पाटील शिंदे, चेअरमन सुभाष कल्याणकर,पप्पू देसाई नाईक,गणेश सातपुते, मोहन पेंढारे,माणिक गिते,सत्यजीत टिप्रेसवार,व्यंकटेश पुलकंठवार,माधव कोल्हे,चंद्रभान धोंडगे,सचिन दळवी,पांडुरंग बोरकर,बालाजी केंद्रे,शंकर दंतुलवार,कैलास कल्याणकर, रघुनाथ हुंबे,श्याम सावंत,किरण कुलकर्णी,गजानन अल्लापुरे, भारत हाम्पले,जिल्हा हिवताप कार्यालय व हत्तीरोग नियंत्रण पथक नांदेड अंतर्गत सर्व अधिकारी व कर्मचारी यांनी कौतुक केले आहे.

मा.आमदार वसंतराव पाटील चव्हाण जनसंपर्क कार्यालय, उमरी येथे सत्कार..

सामाजिक कार्यात सतत अग्रेसर असणारे, तळागाळातील सामान्यांसाठी काम करणारे, जेष्ठ सामाजिक कार्यकर्ते नांदेड जिल्हा काँग्रेस कमिटीचे (मा.वि.) जिल्हा संघटक,

मा. दिगांबरराव गायकवाड नागठाणेकर यांनी जमिन अधिकार आंदोलन करून महाराष्ट्र, कर्नाटक, मध्यप्रदेश, तेलंगणा, अशा अनेक राज्यात जावून भूमिहीन लोकांचा लढा तिव्र करून हजारो लोकांना सरकारी जमिनी मिळवून दिले तसेच दलीत अत्याचार महिला अत्याचार बाल कामगार इत्यादी मानवी हक्कांचे प्रश्न घेऊन सरकार दरबारी लढवया कार्यकर्ता म्हणून काम केले त्यांच्या सामाजिक कार्याची दखल घेवून तेलंगणा राज्याच्या वतीने आज हैदराबाद येथे “समाज रत्न” पुरस्काराने सन्मानित केल्याबद्दल मा.आमदार वसंतराव पाटील चव्हाण जनसंपर्क कार्यालय, उमरी येथे नायगाव विधानसभेचे युवा नेते प्रा.रविंद्र पाटील चव्हाण यांच्या वतीने सत्कार करण्यात आला यावेळी उमरी तालुका काँग्रेस कमिटीचे तालुका अध्यक्ष प्रल्हादराव पाटील इज्जतगावर, नायगांव विधानसभेचे अध्यक्ष बापूसाहेब पाटील कौडगावकर, प्रकाश पाटील चिंचाळेकर, मोहनराव पाटील कारलेकर, बालाजी पाटील हातनीकर, बालाजी पाटील कारेगावकर, व्यंकटराव पाटील केसगिरे, बाबासाहेब पाटील नागठाणेकर, राजेश पाटील ढगे, बालाजी पाटील ढगे, शेख अजहर भाई, भाऊसाहेब राठोड, गोपीनाथ गोळेगावकर सह आदी जन उपस्थित होते..

कवळे गुरुजी जनसंपर्क कार्यालय उमरी येथे सत्कार..

दिगांबरराव गायकवाड नागठाणेकर..

यांना समाजरत्न पुरस्कार.. मिळाल्याबद्दल कवळे गुरुजी जनसंपर्क कार्यालय उमरी येथे सत्कार करतांना प्रदेश कार्यकारिणी सदस्य कांग्रेस कमिटी मारोतराव कवळे गुरुजी यांच्या वतीने

आज कवळे गुरुजी जनसंपर्क कार्यालय उमरी येथे दिगांबरराव गायकवाड यांना समाजरत्न पुरस्कार मिळाल्याबद्दल सत्कार करण्यात आला यावेळी माजी नगराध्यक्ष संजयजी कूलकर्णी, कार्याध्यक्ष लिंगराम पाटील कवळे, जेष्ठ नेते मल्लिकार्जुन चंदापुरे, माजी सभापती बापुराव पाटील करकाळेकर, शहराध्यक्ष किशोर पबितवार, आनंदराव पाटील भायेगांवकर, पंजाबराव पाटील कारलेकर, माधवराव पाटील इज्जतगांवकर, बालाजी पाटील इज्जतगांवकर, वसंतराव जाधव सह आदिजन उपस्थित होते

शालेय विद्यार्थ्यांसाठी विभागीय कथाकथन स्पर्धेचे आयोजन नांदेड जिल्ह्यातील जास्तीत जास्त शाळांनी सहभाग नोंदविण्याचे साहित्यिक व्यंकटेश चौधरी यांचे आवाहन

नांदेड (प्रतिनिधी) अखिल भारतीय साने गुरुजी कथामाला शाखा हेलस आणि मानस फाऊंडेशन जालना यांच्या संयुक्त सहकार्याने पूज्य साने गुरुजींच्या जयंतीनिमित्त विद्यार्थ्यांसाठी मराठवाडास्तरीय विभागीय कथाकथन स्पर्धा आयोजित करण्यात आली आहे. स्पर्धेसाठी कोणत्याही प्रकारची फी नाही. अशी माहिती कथामालेच्या बैठकीत अध्यक्ष तथा संयोजक कल्पना दत्तात्रय हेलसकर यांनी दिली आहे.यावेळी डॉ.सुहास सदाव्रते, बाबासाहेब हेलसकर, विजय वायाळ, सतीश कुलकर्णी, प्रमोद देशमुख, मंताजी ढाकरे, ईश्वरदास मोताळे आदींची उपस्थिती होती.

स्व.दत्तात्रय हेलसकर यांनी १९९४ साली स्थापन केलेल्या साने गुरुजी कथामालेच्या हेलस शाखेतर्फे विद्यार्थ्यांसाठी अनेकविध संस्कारक्षम शैक्षणिक, सामाजिक, विधायक उपक्रम राबविले जातात. विद्यार्थ्यांमधील सुप्त कलागुणांना प्रोत्साहित करण्यासाठी मराठवाडा स्तरावर इयत्ता पाचवी ते दहावीच्या विद्यार्थ्यांसाठी दोन गटात कथाकथन स्पर्धा आयोजित करण्यात आली आहे. कथाकथन स्पर्धेचे हे पाचवे वर्षे होय. मराठवाड्यातून आजवर उत्तम प्रतिसाद लाभलेली ही स्पर्धा प्रतिष्ठेची समजली जाते.

स्पर्धेसाठी कोणतीही प्रवेश फी नाही. स्पर्धा मराठवाड्यातील सर्व व्यवस्थापनांच्या प्राथमिक व माध्यमिक शाळेतील विद्यार्थ्यांसाठी आहे. बालगट : इयत्ता पाचवी ते सातवी व किशोर गट : इयत्ता आठवी ते दहावी अशा दोन गटात स्पर्धा आहे.️

कथाकथनासाठी विद्यार्थ्यांनी मराठी भाषेतील संस्कारक्षम, बोधप्रद कथेची निवड करणे आवश्यक आहे. कथा आठ ते दहा मिनिटांची असावी. जिल्हास्तरीय विजेत्यांना प्रथम, व्दितीय व तृतीय पारितोषिक म्हणून प्रमाणपत्र व ग्रंथ भेट देण्यात येईल तसेच जिल्हास्तरीय प्रथम क्रमांकाच्य़ा स्पर्धकाची विभागीय स्पर्धेसाठी निवड करण्यात येईल. बालगट व किशोर या दोन्ही गटातील विभागस्तरीय विजेत्यांना रोख पारितोषिके, प्रमाणपत्र देऊन समारंभपूर्वक गौरविण्यात येईल. विजेत्यांना प्रथम पारितोषिक रोख दीड हजार रुपये, द्वितीय : एक हजार रुपये, तृतीय : पाचशे रुपये तसेच उत्तेजनार्थ पारितोषिकेही आहेत. सर्व सहभागी स्पर्धकांना सहभाग प्रमाणपत्र देण्यात येईल. स्पर्धेत सहभाग नोंदणीची अंतिम तारीख दि.३ जानेवारी,२०२४ आहे. सहभागासाठी खालील लिंकवर नोंदणी करणे आवश्यक आहे. https://forms.gle/8mgwTH9PCGrriuPb8

जिल्हास्तरीय स्पर्धा सोमवार दि. ८ जानेवारी, २०२४, तर विभागस्तरीय स्पर्धा सोमवार दि. २२ जानेवारी,२०२४ रोजी आहे. परीक्षकांचा निर्णय अंतिम राहील. स्पर्धा नियोजनात ऐनवेळी काही बदल कराण्याचा अधिकार संयोजन समितीकडे असेल. स्पर्धेचे ठिकाण नावनोंदणी नंतर यथावकाश कळविण्यात येईल.

विद्यार्थ्यांमधील सुप्त कलागुणांना प्रोत्साहित करण्यासाठी आपल्या शाळेतील विद्यार्थ्यांना स्पर्धेमध्ये सहभागासाठी प्रेरित करावे. स्पर्धा यशस्वितेसाठी सहकार्य, सहभाग नोंदवावा असे आग्रहाचे आर्जवकथामालेचे जिल्हा संयोजक तथा प्रसिद्ध साहित्यिक व्यंकटेश चौधरी, सहसंयोजक पद्माकर कुलकर्णी, विलास कोळनूरकर यांनी केले आहे.

क्रांतीसुर्य भगवान बिरसा मुंडा जयंती निमीत्त उद्या विविध कार्यक्रमाचे आयोजन

भोकर – क्रांतीसुर्य भगवान बिरसा मुंडा यांच्या १४८ व्या जयंती निमित्त उद्या दिनांक २८ डिसेंबर रोजी प्रा. डॉ. कमलताई फोले यांच्या अध्यक्षतेखली विविध कार्यक्रमांचे आयोजन करण्यात आले आहे.

जयंती सोहळ्याच्या अध्यक्षस्थानी प्रा. डॉ. कमलताई फोले (वाणिज्य विभाग प्रमुख, दिगंबरराव बिंदू महाविद्यालय, भोकर) तर उद्घाटक संतोषजी टारपे (माजी आमदार, कळमनुरी) तसेच अनेक मान्यवरांचे मार्गदर्शन देखील यादरम्यान होणार आहे.

जयंती सोहळ्याच्या नियोजन करण्याचे उद्देशाने दिनांक २५ रोजी डॉ. उत्तम वागतकर यांच्या मार्गदर्शनाखाली बैठक आयोजित करण्यात आली होती यावेळी समाज बांधवांनी या जयंती सोहळ्यासाठी मोठ्या संख्येने उपस्थित राहण्याचे आवाहन प्रा. डॉ. कमलताई फोले तसेच जयंती मंडळाच्या वतीने करण्यात आले.

“क्रांतीसुर्य भगवान बिरसा मुंडा” यांच्या १४८ व्या जयंती सोहळ्याची सुरुवात येथील बिरसा मुंडा चौक मुदखेड रोड येथून मूळ आदिवासी पारंपारीक व सांस्कृतिक प्रदर्शन मिरवणुकीने होणार असून यातील मुख्य आकर्षण म्हणजे शासकीय आदिवासी आश्रम शाळेतील विद्यार्थ्यांचे लेझीम पथक, किनवट तालुक्यातील पारंपारिक मूळ आदिवासी ढेमसा नृत्य, आदिवासी दंडार नृत्य व महिलांचे सांस्कृतिक कलाप्रदर्शन असणार आहे तसेच माऊली मंगल कार्यालयात आदिवासींच्या गुणवंत विद्यार्थ्यांचा सत्कार सोहळा, मोफत आरोग्य तपासणी, शस्त्रक्रिया व भव्य रक्तदान शिबिराचे आयोजन करण्यात आले आहे.

यावेळी माजी सभापती शिवाजीराव देवतुळे, डॉ. अशोक माजळकर (जिल्हाध्यक्ष, अनुसूचित जमाती, नांदेड विभाग), माधवराव माजळकर (माजी सरपंच, समंदरवाडी), धोंडीबा भिसे (मा. संचालक, कृ. उ. बा. समिती, भोकर), हनुमंत वागतकर ( वाहतूक नियंत्रक, एस. टी. डेपो, भोकर), संजय धनवे (कोषाध्यक्ष), श्री शेषराव हुरदुके, आमदरी, श्री मारुती वागतकर, श्री रंगराव वागतकर, श्री राजू बुरकुले तसेच सौ. संध्याताई भुरके, श्रीमती अनुराधाताई मेंडके, सौ. सरस्वती भिसे, सौ. रुक्मीना पांडेवाड, सौ. प्रेमलता धनवे, सौ. भाग्यलक्ष्मी तायवाडे, श्रीमती सुनिता कोतवाल, सौ. शकुंतला वागतकर, सौ. सुमन डोखले, सौ. अंबिका वागतकर व शासकीय आदिवासी मुलींचे वसतिगृह भोकर येथील सर्व विद्यार्थिनी यांचींही यावेळी उपस्थिती होती.

मानली ना हार मी’ या कवितासंग्रहास कवयित्री शांता शेळके पुरस्कार कवयित्री सुचिता दामोदर गायकवाड यांना सदरील पुरस्काराने करण्यात आले सन्मानित

कणकवली : येथील कवयित्री सुचिता दामोदर गायकवाड यांच्या ‘मानली ना हार मी’ या कवितासंग्रहास सन २०२१-२२ या वर्षातील कवयित्री शांता शेळके राज्यस्तरीय पुरस्कार झाला होता.सदरील पुरस्काराचे नुकतेच वितरण झाले असून कवयित्री सुचिता गायकवाड यांना मान्यवरांच्या हस्ते तो पुरस्कार देऊन सन्मानित करण्यात आले आहे.

सुगावा प्रकाशन,पुणे या नामांकित प्रकाशन संस्थेने ‘मानली ना हार मी’ हा कवितासंग्रह प्रकाशित केला असून सिंधुदुर्गातील ज्येष्ठ कवी अजय कांडर यांची या कवितासंग्रहास प्रस्तावना आहे.तसेच सुप्रसिद्ध समीक्षक,विचारवंत,कवी यशवंत मनोहर यांची या कविता संग्रहाला पाठराखण लाभली आहे.मंचर जि. पुणे येथील कवयित्री शांता शेळके प्रतिष्ठानच्यावतीने दरवर्षी राज्यातील महत्त्वपूर्ण ठरलेल्या कवितासंग्रहास पुरस्कार देऊन गौरविण्यात येते.मंचर येथे झालेल्या पुरस्कार वितरण समारंभात ज्येष्ठ विचारवंत गंगाधर बनबरे,सुप्रसिद्ध कवी नितीन चंदनशिवे यांच्या हस्ते सुचिता गायकवाड यांना हा मानाचा पुरस्कार प्रदान करण्यात आला.शाल,स्मृती चिन्ह, सन्मानपत्र व रोख रक्कम असे या पुरस्काराचे स्वरूप आहे. यावेळी जिजाऊ प्रतिष्ठान चे संस्थापक अध्यक्ष ॲड.सुनिल बांगर,शांता शेळके प्रतिष्ठानचे अध्यक्ष दत्ता पायगुडे उपस्थित होते.

सुचिता गायकवाड यांच्या ‘साक्षीदार’ या पहिल्या कवितासंग्रहालाही अनेक मानाचे पुरस्कार प्राप्त झाले आहेत. माता रमाई हे त्यांनी लिहिलेले चरित्रपर पुस्तक प्रकाशित असून ‘मानली ना हार मी’ या कवितासंग्रहातून त्यांनी स्त्रीवादी, ग्रामीण व शहरी भागातील सामाजिक प्रश्न मांडले आहेत.तर प्रा.सुचिता गायकवाड यांना कवयित्री शांता शेळके पुरस्कार प्राप्त झाल्याबद्दल कणकवली शिक्षण संस्थेचे सचिव डी.एम. नलावडे,कार्याध्यक्ष डॉ.सूर्यकांत तायशेटे,उप कार्याध्यक्ष मोहन काणेकर,कै.सौ.इंगेट्राऊट नाईक अध्यापक विद्यालयाचे प्राचार्य श्याम सोनुर्लेकर,एस.एम.हायस्कूल चे मुख्याध्यापक जी.एन. बोडके व सर्व शिक्षक वृंद यांनी अभिनंदन केले आहे.

राष्ट्रवादी काँग्रेस पार्टी ओबीसी विभाग प्रदेश उपाध्यक्षपदी बालाजी पाटील गौड तर ओबीसी विभाग उत्तर नांदेड जिल्हाध्यक्षपदी आनंद डांगे यांची नियुक्ती.

प्रतिनिधी

भोकर : आगामी लोकसभा व विविध निवडणूकीचा अनुषंगाने पक्ष संघटन वाढीच्या पार्श्वभूमीवर राष्ट्रवादी काँग्रेस पार्टीने( अजित दादा पवार गट) पक्षांतर्गतच्या विविध विभाग कार्यकारिणीच्या पदाधिकारी नियुक्तीचे सत्र सुरु केले आहे. राष्ट्रवादी काँग्रेस पार्टी ओबीसी विभाग महाराष्ट्र राज्य प्रदेशाध्यक्ष कल्याण आखाडे यांनी प्रदेश कार्यकारिणी,जिल्हा कार्यकारिणीसह आदी पदांकरीता अनेक पदाधिकाऱ्यांची नुकतीच नियुक्ती केली असून भोकर येथील धडाडीचे युवा नेतृत्व बालाजी पाटील गौड यांची प्रदेश उपाध्यक्षपदी व उत्तर नांदेड जिल्हाध्यक्षपदी आनंद डांगे यांची नियुक्ती केली आहे. सदरील नियुक्तीचे अनेकांतून अभिनंदन होत आहे.

प्रधानमंत्री किसान सन्मान निधी अंतर्गत 15 जानेवारी पर्यंत जिल्ह्यात संपृक्तता मोहिम