भोकर पोलिसांनी २८ हजारांचा गुटखा पकडला

भोकर (प्रतिनिधि)…पोलीस स्थानक हद्दीत, काळया बाजारात विक्रीसाठी नेत असलेला गुटखा भोकर पोलीसांनी पकडुन आरोपी विरुद्ध गुन्हा दाखल केला आहे. या कार्यवाहीने गुटखा माफियात खळबळ उडाली आहे.

याबाबत आधिक वृत असे की, महाराष्ट शासनाने प्रतिबंधीत केलेला तंबाखूजन्य पदार्थ हा मानवी आरोग्यास हानीकारक असुन ते मानवाने सेवन केल्यास त्यास दुर्धर आजार होऊन वेळ प्रसंगी मृत्यु ओढाऊ शकतो हे माहीती असतांना देखील जाणीव पूर्वक गुटखा ग्रामीण करण्याचा चंग काही गुटखा माफियानी उराशी बाळगला आहे.काल दि.१७ गुरुवार रोजी असेच ग्रामीण भागात दुचाकीवर गुटखा विक्री साठी जात असल्याची गुप्त माहिती पोलिसांना मिळाली. यावरुन दुपारी चार वाजता मुदखेड चौक परिसरात दबंग पोलीस उपनिरीक्षक दिगंबर पाटील, पोलिस हेड कॉन्स्टेबल जाधव,पोलिस हेड कॉन्स्टेबल मोईन, पोलिस कॉन्स्टेबल अर्किलवाड, पवार यांच्या पथकाने अचानक छापा टाकून सुमारे ५८३०० रुपयाचा मुद्देमाल जप्त करण्याची धाडसी कार्यवाही केली आहे.