बुद्धाच्या विचारांचे तरंग निर्माण करण्यासाठी कँडल मार्च – महाथेरो बी . संघपालजी

भोकर – तथागत भगवान बुद्धांच्या मानवकल्याणांचे विचार तरंग निर्माण करून माणसा माणसात प्रेम , मैत्री , सलोखा , करुणा, प्रेमभाव रुजवण्यासाठी कँडल मार्च असते असे प्रतिपादन महाथेरो बी .संघपालजी मुंबई यांनी कँडल मार्च नंतर प्रवचनात उपासकांना उपदेश करताना बोलत होते.

भारतीय बौद्ध महासभा व महात्मा फुले नगर यांच्या वतीने आयोजित श्रामणेर बौद्धाचार्य प्रशिक्षण शिबीर समारोहाच्या पूर्वसंध्येला शनिवार (दि . २३ रोजी)रोजी सायंकाळी लुंबिनी बुद्ध विहार येथून प्रवर्जीत श्रामणेर भिक्खू संघा सह हजारो उपासक , उपासिकांनी हातात मेणबत्ती प्रज्वलीत करून तेरा मंगल , तेरा मंगल ! सबका मंगल होय रे च्या निनादात हा कँडलमार्च महाथेरो बी. संघपालजी , थेरो महवीरो , भन्ते बोधी धम्मो , भन्ते महानाम , जिल्हा शाखेचे सरचिटणीस रविकिरण जोंधळे , जि .संस्कार सचिव आप्पाराव येरेकार ,केंद्रीय शिक्षक युवराज मोरे ,तालुका अध्यक्ष बाबुराव सोनकांबळे तालुका कोषाध्यक्ष गोविंद गायकवाड , प्रसाद शहाणे, संघपाल पाटील,तालुका संघटक सुर्यमोहन जंगमे ,शहर अध्यक्ष साहेबराव मोरे , शहर सरचिटणी रवि महाबळे , शहर कोषाध्यक्ष श्रीधर घुले यांच्या नेतृत्वात कँडल मार्च प्रारंभ होऊन महादेव मंदिर , गांधी चौक , डॉ . बाबासाहेब आंबेडकर चौक , छत्रपती शिवाजी महाराज चौक मार्गो लुंबिनी बुद्ध विहार प्रांगणात विसर्जीत झाली. नंतर प्रवचनात महाथेरो बी . संघपाल यांनी कँडल मार्च यशस्वी करण्यामधे सहभाग असणारे तालुका , शहर , वार्ड , ग्राम शाखा सहभागी समता सैनिकदल , सामाजिक कार्यकर्ते , सहभागी उपासक , उपासिका , बालक , बालीका या सर्वांचे आभार मानुन डॉ .बाबासाहेब आंबेडकर यांची जयंतीत वायफळ पैसा खर्च न करता तो पैसा एखाद्या उच्च शिक्षण घेणाऱ्या गरजवंतास मदत करावे .बाबासाहेबांची जयंती डिजे वर नाचून नव्हे तर १८तास अभ्यास करून साजरी करण्याचे आवाहन केले .