विश्वाला राग द्वेश मोहाची आग लागली आहे ती आग सद्धम्म जोपासून थांबवा – थेरो महावीरो

भोकर- विश्वाला राग द्वेश मोहाची आग लागली असून ती आग तथागताचा सद्धम्म जोपाल्यास शमवता येत असल्याचे पुज्य भदंत महावीरो थेरो यांनी प्रवर्जीत श्रामणेर संघाच्या भोजनदान प्रसंगी धम्मदेसना देताना सांगितले .

पंचशील बुद्ध विहार येथे शहीद प्रफुल्ल नगर भागातील उपासक , उपासिका यांच्या वतीने प्रवर्जीत श्रामणेर संघास भोजनदान देण्यात आले यावेळी पुज्य भदंत बी . संघपालजी महाथेरो , भन्ते बोधी धम्मो , भन्ते महानाम (प्रशिक्षक )यांची प्रमुख उपस्थिती होती.

पुढे बोलतांना थेरो महावीरो म्हणाले की , पारमितांचे फार मोठा संग्रह बोद्धी सत्वाकडे असतो त्या पारमितांचे पालन करणे म्हणजे सद्धम्म होय , या सद्धम्माचा अभिप्राय समजून घेणे हे माणवाचे कर्तव्य असून मरण एक परीक्षा आहे ज्याला जीवनाचा उद्येश कळाला त्याला सुखाचे शांतीचे मरण लाभत असल्याचे सांगून या जीवनात प्रत्येकान प्रसन्न मनाने,सातत्याने सत्कर्म करण्याचे आवाहन केले .

याप्रसंगी पुज्य भदंत बी . संघपालजी महाथेरो यांनी आपल्या धम्मदेसनेत माणवाच्या जीवनातील शुद्ध तरंगाने अशुद्ध तरंग नष्ट होतात म्हणून शुद्ध तरंग अशुद्ध तरंगावर कसे परीणाम करतात याचे महत्व विषद करून बुद्धांच्या विचारांचे तरंग निर्माण करण्यासाठी पणती ज्योत मिरवणूकीत सहभागी होण्याचे आवाहन करून गाथेतून सर्वांना आशिर्वाद दिला . यावेळी तालुका अध्यक्ष बाबुराव सोनकांबळे शहर अध्यक्ष साहेबराव मोरे , केंद्रीय शिक्षक युवराज मोरे , वार्ड शाखाध्यक्ष डी.एस .गायकवाड ,डी . जे . सोनकांबळे ,राजीव खंडारे , गंगाराम इंगळे , संजू गर्जे , सुरेश जोंधळे , विकास क्षिरसागर आदीसह सोबतच नगरातील उपासक , उपासिका मोठ्या संखेने उपस्थित होते.