दिव्यांग दिनाच्या कार्यक्रमाला जिल्ह्यातील दिव्यांग बांधवांनी मोठ्या संख्येने उपस्थित - विठ्ठलराव मंगनाळे

भोकर,प्रतिनिधी 

  जागतिक दिव्यांग दिन दिनांक ३ डिसेंबर रोजी जिल्हा परिषद नांदेड येथील सभागृहात दिव्यांग क्रांती संघटना व प्रहार जनशक्ती पक्षाच्या वतीने सकाळी ११ वाजता साजरा करण्यात येणार असून नांदेड जिल्ह्यातील दिव्यांग बांधवांनी सदर कार्यक्रमासाठी मोठ्या संख्येने उपस्थित राहावे असे आवाहन प्रहार संघटनेचे नांदेड जिल्हा प्रमुख विठ्ठलराव मंगनाळे, यांनी मध्यमांसमोर जाहीर केले आहे.

जिल्हा परिषद नांदेड येथील सभागृहात दिव्यांग दिन साजरा करण्यात येणार असून प्रति वर्षी प्रमाणे या ही वर्षी जागतिक दिव्यांग दिन मोठ्या उत्साहात साजरा करण्यात येणार आहे. सदर दिवशी नांदेड जिल्ह्यामध्ये विविध तालुक्यातील दिव्यांग बांधवाना सतत मदत करणारे पदाधिकारी व कार्यकर्ते यांच्या कार्यकर्तृत्वा बद्दल, गौरव करून सन्मान करण्यात येणार आहे. तसेच दिव्यांग दिना निमित्त सर्व दिव्यांगाणा जागतिक दिव्यांग दिना निमित्त जिल्हा परिषद समाजकल्याण अधिकारी श्री आउलवार साहेब हे मार्गदर्शन करणार असून प्रमुख पाहुणे म्हणून विठ्ठलराव देशमुख प्रहार जनशक्ती पक्ष नांदेड जिल्हा प्रमुख व सुधाकरराव शेवाळे दिव्यांग अधिकारी, कर्मचारी संघटना नांदेड जिल्हाध्यक्ष यांची उपस्थिती लाभणार आहे. त्या मुळे ३डिसेंबर जागतिक दिव्यांग दिनी जिल्ह्यातील सर्व दिव्यांग बंधू भगिनींनी कार्यक्रमासाठी उपस्थित राहण्याचे आव्हान मंगनाळे यांनी केले आहे.