कोरोना काळातील मालमत्ता कर माफ करने-बिलोली कोरोना दक्षता समिती ची मागणी

बिलोली:मागील आठ महिन्या पासुन शहरातील नागरिक कोरोना महामारीमुळे हैरान झाली आहे व रोजगार ठप्प झाले आहे कोरोना काळातील नल कर व मालमत्ता कर नगर पालिकेने  माफ करण्याचे निवेदन कोरोना दक्षता समिती ने नगर पालिकेला लेखी निवेदना द्वारे करण्यात आले.

कोरोना महामारीमुळे मार्च महिन्या पासुन लॉकडाउन करण्यात आला होता.मागील आठ महीण्यापासुन लॉकडाउन मुळे व्यापारी वर्ग व सर्व सामान्य रोज मजूरी करणाऱ्यावर त्यांची मार बसली असून सर्व सामान्य नागरिक कोरोनामुळे खुप अडचणीत आला असून जीवन जगने खुप अवघळ झाले आहे. मागील आठ महिन्या पासुन शहरातील नागरिक कोरोना मुळे अडचणीत आले असल्याने कोरोना  काळातील पाणी कर व मालमत्ता कर माफ करण्याची मागणीचे निवेदन मुख्यधिकारी व नगरध्यक्षा  यांना नगर परिषद  बिलोली यांना देण्यात आले यावेळी  कोरोना दक्षता समितीचे विजय कुंचनवार, मौलाना अहमद बेग,जेष्ठ पत्रकार ए. जी.कुरैशी,शेख सुलेमान,व्यापारी व पत्रकार शेख फारुख अहमद,मुकींनदर कुड़के,सय्यद रियाज़ आदि उपस्थित होते.

Read More

रब्बी हंगामातील पिक विमा योजनेचा शेतकऱ्यांनी लाभ घ्यावा - जिल्हाधिकारी डॉ . विपीन इटनकर

नांदेड  : - प्रधानमंत्री पिक विमा योजनेंतर्गत सन 2020-21 या रब्बी हंगामासाठी पिकविमा प्रस्ताव स्विकारणे सुरू झाले असून रब्बी ज्वारीसाठी पिक विमा भरण्याची अंतिम तारीख 30 नोव्हेंबर 2020 तर गहु बागायती , हरभरा पिकासाठी 15 डिसेंबर 2020 ही अंतिम मुदत आहे . जिल्ह्यातील शेतकऱ्यांनी या पिक विमा योजनेचा लाभ घ्यावा , असे आवाहन जिल्हाधिकारी डॉ . विपीन इटनकर यांनी केले . प्रधानमंत्री पिक विमा योजनेंतर्गत जिल्ह्यात इफ्कोटोकीयो कंपनीची पुढील तीन वर्षांसाठी नियुक्ती केली आहे . या इफ्कोटोकीयो कंपनीच्यावतीने जिल्ह्यात प्रधानमंत्री पिक विमा योजनेच्या प्रचार व प्रसिध्दीच्या चित्ररथास जिल्हाधिकारी डॉ विपीन इटनकर व जिल्हा अधिक्षक कृषि अधिकारी आर . बी . चलवदे यांच्या हस्ते हिरवा झेंडा दाखवुन या मोहिमेला सुरूवात झाली . यावेळी शेतकऱ्यांचे प्रतिनिधी रामराव पवार इफ्कोटोकीयोचे जिल्हा प्रतिनीधी गौतम कदम जिल्हा परिषदेचे कृषि विकास अधिकारी संतोष नादरे , कृषि विज्ञान केंद्राचे संशोधक श्री . गिरी , तंत्र अधिकारी प्रमोद गायके हे उपस्थित होते .

Read More

बहुभाषिक पत्रकार संघ बिलोली तर्फे 108 रुग्णवाहीका चालकांच्या गौरव

बिलोली :कोरोना महामारीचा काळात कोरोना रुग्ण असो की इतर  रुग्णाची व अनेकाना जीवदान देणारे कोविड काळात अतिशय उत्कृष्ट काम करणारे ग्रामीण रुग्णालयचा 108 चे चालक मिर्झा जफर बेग ईनामदार व मिर्झा तव्वसुल बेग यांच्या बिलोली तालुका बहुभाषिक पत्रकार महासंघाच्या वतीने  कोरोना योद्धा म्हणुन गौरव करण्यात आला.

कोरोना महामारीमुळे  मार्च महीना पासुन ते आज पर्यत बिलोली तालुक्यातील रुग्णाना जीवदान देणारी बिलोली ग्रामीण रुग्णालयचे 108 ची सेवा ही लॉकडाउन ते कोविड काळात रुग्णासाठी जीवदान ठरले आहे.108 रुग्णवाहिकेतील चालक हे मागील 8 महीना पासुन आपली जीवाची पर्वा न करता व  डॉक्टर शिवाय उत्कृष्ठ सेवा देत आहे.कोविड रुग्ण असो की इतर कोरोना संक्रमित असो की गर्भवती महिला व  ह्रदय रोग व इतर आजाराचे रुग्णाना उत्कृष्ट अशी सेवा बजवनारे व रुग्णाना जीवदान देणारे 108चे चालक मिर्झा जफ़र बेग ईनामदार व मिर्झा तव्वसुल बेग यांच्या गौरव तसेच  पत्रकार संरक्षण समितिच्या नुतन अध्यक्ष पदी शेख सुलेमान शेख अहमद यांची बिनविरोध निवड झाल्याबद्दल यांच्या सत्कार करण्यात आला.कार्यक्रमाचे अध्यक्ष पोलीस निरीक्षक शिवाजी डोईफोडे हे होते तर प्रमुख पाहुणे मौलाना अहमद  बेग ईनामदार,लालु शेट्टीवार, जेष्ठ पत्रकार ए.जी.क़ुरैशी, बाबुराव इंगळे,माधव एडके,संदीप गायकवाड, लोकमत वार्ताहर शेख इलियास,यादव लोकडे हे होते.सूत्रसंचालन शेख ईरशाद आभार बालाजी नरहरे केले.  यावेळी बहुभाषिक पत्रकार संघाचे अध्यक्ष शेख फारुख अहमद,उपाध्यक्ष शेख युनुस कासराळीकर,बालाजी नरहरे,सल्लागार हाई पटेल आदि सदस्य  उपस्थित होते.

Read More

जिल्हा परिषदेच्या सीईओ वर्षा ठाकूर जेंव्हा उंबरठ्यातील आदिशक्तीला बोलते करतात ...

नांदेड दि . 23 : -जिल्ह्यातील ग्रामपंचायत पातळीवर जिल्हा परिषदेतर्फे राबविल्या जाणाऱ्या विविध योजनांची वस्तुस्थिती व पाहणी करण्याच्या उद्देशाने मुदखेड येथे दौऱ्यावर असलेल्या जिल्हा परिषदेच्या मुख्य कार्यकारी अधिकारी वर्षा ठाकूर यांना मुगट गावात उंबरठ्यावर अभ्यास करीत असलेल्या आदिशक्तींना भेटण्याचा मोह आवरता आला नाही . मुगट गावातील आरोग्य केंद्राची पाहणी करुन परतत असतांना त्यांनी एका घरासमोर गाडी थांबविण्यास सांगितले . गाडीतून उतरत त्यांनी एका घराकडे वळत दरवाजात अभ्यास करत असलेल्या दोन मुलींशी मनमोकळ्या गप्पा मारुन त्यांचे भावविश्व मोकळे केले . यातील एकीचे नावे पुष्पा ज्ञानेश्वर कदम तर दुसरी दिपिका रामकिशन कदम . पुष्पा दहावीत तर दिपिका चौथीत शिकते . या दोन्ही मुलींचे आई - वडिल शेती करतात . शाळा कोविड 19 मुळे बंद असल्यामुळे या बहिणींची शाळा ओसरीवर सुरु होते . यातील एक दहावीत शिकत आहे तर दुसरी चौथीत घरी तिच्या फक्त भावाकडेच असलेला मोबाईल शिक्षणासाठी तिने जवळ ठेवलेला मोबाईलच्या माध्यमातून ती गणिताचा सराव करत असतांना कोणीतरी एक महिला आपल्या जवळ बसून बोलते आहे या कृतीमुळे तिचा आत्मविश्वास द्विगुणीत झाला . मुख्य कार्यकारी अधिकारी यांनीही आपली ओळख न देता मोकळा संवाद साधल्याने तिच्या स्वप्नांना आणखी बळ घेता आले .शाळा बंद असल्यामुळे विद्यार्थी हिरमुसले आहेत . त्यांच्यात कुठेही नैराश्य येऊ नये , अभ्यासाप्रती कटिबद्धता वाढावी यादृष्टिने नांदेड जिल्हा परिषदेच्या शिक्षकांना विद्यार्थ्यांशी उपलब्ध असलेल्या संसाधनाच्या माध्यमातून सतत संपर्कात राहण्याचे एक अभियान आम्ही लवकरच सुरु करत असल्याचे जिल्हा परिषदेच्या मुख्य कार्यकारी अधिकारी वर्षा ठाकूर यांनी सांगितले . मुगट गावात विद्यार्थ्यांपेक्षा विद्यार्थीनींची अधिक संख्या असल्याने या गावची तशी वेगळी ओळख निर्माण व्हायला वेळ लागणार नाही असेही त्या म्हणाल्या . मुगट येथे जिल्हा परिषदेची हायस्कूल पर्यंत शाळा असून एकुण 16 वर्ग , 14 शिक्षक तर 365 पटसंख्या आहे . यात मुलींची संख्या 188 आहे . 

Read More

रास्तभाव धान्य दुकानात तीन महिन्यांची साखर उपलब्ध

नांदेड दि . 22 : - सार्वजनिक वितरण व्यवस्थेअंतर्गत नांदेड जिल्ह्यातील अंत्योदय शिधापत्रिकाधारकांसाठी शासनाने ऑक्टोंबर , नोव्हेंबर , डिसेंबर 2020 साठी नियमित नियतन साखर प्रति शिधापत्रिका एक किलो ( प्रति महिना ) याप्रमाणे मंजूर केले आहे . सदर महिन्यात जिल्ह्यासाठी 2 हजार 94 क्विंटलचे नियतन शासनाकडून प्राप्त झाले आहे . या नियतनाची उचल करुन प्रत्यक्ष शिधापत्रिकाधारकास संबंधित स्वस्त धान्य दुकानामार्फत वितरण करण्यात येणार आहे . तालुका निहाय नियतन ( क्विंटलमध्ये ) पुढील प्रमाणे देण्यात आले आहे . नांदेड -193.5 , अर्धापूर- 39 , मुदखेड -33 , कंधार -73.5 , लोहा -147.5 , भोकर -86.5 , उमरी -54.5 , देगलूर -135.5 , बिलोली -105 , नायगाव- 130.5 , धर्माबाद 65 , मुखेड -198 , किनवट -454.5 , माहूर -209 , हदगाव -80 , हिमायतनगर -89 याची सर्व अंत्योदय शिधापत्रिकाधारकांनी स्वस्त धान्य दुकानातून साखरेची उचल करावी , असे आवाहन जिल्हाधिकारी नांदेड यांच्यावतीने जिल्हा पुरवठा अधिकारी नांदेड यांनी केले आहे . 

Read More

येसगी पुलावरुन अवजड वाहनांना प्रतिबंध

नांदेड दि . 21 : - सार्वजनिक बांधकाम विभागाच्या अखत्या रितील राष्ट्री य महामार्ग क्र .63 ( पुर्वीचा प्ररामा -2 ) वरील येसगी पुलावरील वाहनभार मर्यादा निश्चित करण्यात आली आहे . या पुलावरुन अवजड वाहनांना मोटार वाहन कायदा 1988 चे कलम 115 मधील तरतुदीनुसार जिल्हारदंडाधिकारी डॉ . विपीन इटनकर यांनी अधिसूचनेद्वारे प्रतिबंधीत केले आहे . या अधिसूचनेनुसार संबंधित विभागांनी उपाययोजना करुन 5 नोव्हेंबर 2020 पासून 4 नोव्हेंबर 2022 पर्यंत ( दोन वर्षासाठी ) राष्ट्री य महामार्ग क्र . 63 ( पुर्वीचा प्ररामा -2 ) वरील येसगी पूल क्षतीग्रस्तत झाल्या ने व पूलाचे काम करण्यानसाठी या पुलावरुन केवळ कार , जीप , हलके मालवाहू वाहन ( LCV ) इत्यारदी ज्या ची उंची 2.80 मीटर पेक्षा कमी आहे अशीच वाहने सोडणे व इतर जडवाहतूक बाजुच्या जुन्याा पुलावरुन वळविण्या ) स मान्ययता दिली आहे . संबंधित विभागाने वळन रस्यांधि साठी वापरण्यातत येणारा जुना पुल हा अरुंद असल्यायने या पुलावरुन एकावेळेस एकच अवजड वाहन ये - जा करेल याबाबतची दक्षता घ्याठवी . रस्याा ज च्याद आजूबाजूस असलेली काटेरी झुडपाची कापनी करावी . पुलाच्याय दोन्ही बाजूस सिग्नतल यंत्रणा / वाकीटॉकीचा वापर करावा . सुरक्षीततेच्या दृष्टीधकोणातून पुलाचे अलीकडील बाजुस व पलीकडील बाजुस पोलीस चौकी उभारुन त्या त आवश्याक तो पोलीस बंदोबस्तव ठेवावा . पुलाच्याी दोन्ही बाजूस वाहन क्षमता मर्यादेचे फलक , तसेच अधीक्षक अभियंता , संकल्पझ चित्र मंडळ , मुंबई यांनी त्यांजचे अहवालात शिफारस केल्याी नुसार पुलाच्याय दोन्ही बाजूस उंची बाबतचे फलक व हेवी डयुटी गॅन्ट्री लावण्यायत यावे पोलीस अधीक्षक , नांदेड यांनी मोटार वाहन कायदा 1988 चे कलम 116 नुसार अधिसूचना जारी करुन बांधकाम विभागामार्फत आवश्यकक ते वाहतूक चिन्हालाचे फलक , वाहन चालकाच्या माहितीसाठी पुलाच्याब दोन्हीम बाजूस व आवश्याक त्या ठिकाणी लावणे बंधनकारक राहिल.या अधिसुचनेबाबतची माहितीबाबत लगतच्या सर्व जिल्हा प्रशासन पोलीस प्रशासन , प्रादेशिक परिवहन विभाग व इतर आवश्यबक सर्व संबंधित विभागास अधीक्षक अभियंता , सार्वजनिक बांधकाम मंडळ , नांदेड यांनी द्यावी . ही अधिसुचना अधिक्षक अभियंता , सार्वजनिक बांधकाम मंडळ , नांदेड यांचे कार्यालयामार्फत महाराष्ट्रद शासन राजपत्रात प्रसिध्दी चिी कार्यवाही करुन स्थानिक मराठी , हिन्दी इंग्रजी व ऊर्दु वर्तमानपत्रात सुध्दाअ प्रसिध्दी द्यावी , असेही अधिसूचनेत जिल्हादंडाधिकारी डॉ . विपीन इटनकर यांनी नमूद केले आहे .

Read More

तात्पुरते फटाका परवाना अर्ज विक्री व स्विकारण्यास मुदतवाढ

 नांदेड: - सन 2020 मध्ये दिपावली उत्सव 14 ते 16 नोव्हेंबर 2020 या कालावधीत साजरा होणार आहे . त्या अनुषंगाने तात्पुरते फटाका परवाना अर्ज विक्री व स्विकारण्याच्या कालावधीस मंगळवार 27 ऑक्टोंबर 2020 पर्यंत मुदतवाढ देण्यात आली आहे . . नांदेड महानगरपालिका हद्दीतील तात्पुरता फटाका परवाना सेतू समिती जिल्हाधिकारी कार्यालय नांदेड यांच्याममार्फत व जिल्हयातील उपविभागीय कार्यालयामार्फत त्यांच्या कार्यक्षेत्रातील तात्पुरते फटाका परवाना अर्ज विस्फोटक अधिनिमय 2008 नुसार 7 ते 20 ऑक्टोंबर 2020 या कालावधीत विक्री व स्विकारण्याची मुदत देण्यात आली होती . परंतू तात्पुरते फटाका परवाना अर्ज विक्री व स्विकारण्याच्या कालावधीची मुदतवाढ आता 27 ऑक्टोंबर पर्यंत देण्यात आली आहे . याव्यतीरिक्त 6 ऑक्टोंबर 2020 रोजी दिलेल्या जाहीर प्रगटनातील अटी व शर्ती कायम राहतील याची संबंधितांनी नोंद घ्यावी असे आवाहन जिल्हादंडाधिकारी नांदेड यांनी केले आहे . 

Read More

" गाव तेथे स्मशानभूमी व दफनभूमी " साकारण्यासाठी पालकमंत्री अशोक चव्हाण यांचे जिल्हा प्रशासनाला निर्देश

 नांदेड दि . 7 : - जिल्ह्यातील असंख्य गावात आजही अंत्यविधीसाठी स्वतंत्र अशा जागा नसल्यामुळे मृत्यू पावलेल्या व्यक्तीच्या कुटुंबियांना विविध अडचणींना सामोरे जावे लागते . अनेकवेळा वंशपरंपरागत पद्धतीने ज्या जागेवर दहन किंवा दफन विधी केला जातो ती जागा बऱ्याच गावांमध्ये खाजगी मालकीची असल्याने वादविवाद होतात . यात तक्रारी होत असल्याने बऱ्याचवेळा हा प्रश्न जटिल होतो . नांदेड जिल्ह्यातील या परिस्थितीचा गांभीर्याने विचार करुन पालकमंत्री अशोक चव्हाण यांनी " गाव तेथे स्मशानभूमी , दफनभूमी " निर्माण करून हा प्रश्न मार्गी लावण्यासाठी पुढाकार घेत जिल्हा प्रशासन आणि जिल्हा परिषदेला निर्देश दिले . " गाव तेथे स्मशानभूमी , दफनभूमी " ही संकल्पना साकारण्यासाठी शासन पातळीवर उपलब्ध असलेल्या योजनांचा सुयोग्य मेळ साधत लोकसहभागातून याचे नियोजन केले जाईल जिल्हा वार्षिक योजनेंतर्गत असलेल्या ग्रामपंचायतीला जनसुविधांसाठी विशेष अनुदान ही योजना , लोकप्रतिनिधींच्या निधीतील काही वाटा यात अंतरभूत करण्यात येईल . प्रत्येक गावाच्या स्मशानभूमीची दुरावस्था होऊ नये , याच्या आजूबाजूचा परिसर स्वच्छ व पर्यावरणपूरक रहावा यासाठी लोकसहभाग हा अत्यावश्यक करण्यात येईल .प्रशासकिय पातळीवरील याबाबतचे प्रस्ताव तात्काळ मंजूर व्हावेत यासाठी ग्रामपंचायत पातळीपासून पंचायत समिती , महसूल विभाग , भूमि अभिलेख विभाग यांचा सुवर्णमध्य साधत प्रत्येक पातळीवर करावयाच्या प्रशासकिय कामांसाठी पालकमंत्री अशोक चव्हाण यांनी निर्देश दिल्यानुसार निश्चित कालबद्ध कार्यक्रम जिल्हा प्रशासनातर्फे ठरविण्यात आला असल्याचे जिल्हाधिकारी डॉ विपीन इटनकर यांनी सांगितले . ग्रामपंचायतीच्या नावे काही लोकवाटा देण्यात आला असून हा लोकवाटा भरण्यास ज्या ग्रामपंचायती तयार आहेत त्यांचाच प्राधान्याने यासाठी विचार केला जाईल . हा लोकवाटा ग्रामस्थांनी वर्गणी गोळा करुन भरल्यास सदर योजनेस अधिक पूर्णत्व येण्याबरोबरच प्रत्येक गावकऱ्यांनाही ही योजना आपली वाटेल या तत्वावर भर देण्यात आला आहे . काही गावात लोकवाटा रक्कम होण्यात फारच अडचण निर्माण होत असेल तर यासाठी ग्रामपंचायतींचा ग्रामनिधी व मा . खासदार , आमदार यांच्या स्थानिक विकास निधीतून ही तजविज करता येऊ शकेल . याबाबत लवकरच जिल्हा प्रशासनाच्या पातळीवर रुपरेषा ठरविली जात असून लोकसहभागाला अधिकाधिक प्राधान्य दिले जाईल , असे जिल्हा परिषदेच्या मुख्य कार्यकारी अधिकारी वर्षा ठाकुर यांनी स्पष्ट केले . 

Read More

सन 2019 चा जीवनरक्षा पदक पुरस्कार पालकमंत्री अशोक चव्हाण यांच्या हस्ते प्रदान

 नायगाव: तालुक्यातील मांजरम येथील शिवराज रामचंद्र भंडारवाड यांना सन 2019 चा जीवनरक्षा पदक पुरस्कार घोषित झाला आहे . इयत्ता 10 मध्ये शिकणाऱ्या या बालविराने स्वत : च्या जीवाचा पर्वा न करता जिगरबाज कामगिरीने पुराच्या पाण्यात वाहून जाणाऱ्या दोन व्यक्ती व 40 शेळयांचा जीव वाचविण्याचे शौर्य दाखविले आहे . या बालविराला हा पुरस्कार आज डॉ . शंकरराव चव्हाण नियोजन भवनात पालकमंत्री अशोक चव्हाण यांच्या हस्ते प्रदान करण्यात आला आहे . या पुरस्कार वितरणाच्या वेळी जिल्हाधिकारी डॉ . विपीन इटनकर , मुख्य कार्यकारी अधिकारी वर्षा ठाकूर , मनपा आयुक्त डॉ . सुनिल लहाने , निवासी उपजिल्हाधिकारी डॉ . सचिन खल्लाळ , जिल्हा महिला व बाल विकास अधिकारी आर.पी. काळम , सहाय्यक लेखा अधिकारी , जी आर धुमे , परिविक्षा अधिकारी बी.पी. बडवणे यांची उपस्थिती होती . भारत सरकार , केंद्रीय गृह मंत्रालयाकडून जीवनरक्षा पदक पुरस्कार शिवराज रामचंद्र भंडारवाड यांना घोषित झालेला होता . या पुरस्काराचे स्वरुप सन्मानपत्र , पदक व 1 लाख रुपयाचा धनादेश असे आहे . हा पुरस्कार ज्या मुलांनी शिक्षण , कला , सांस्कृतिक कार्य , नाविण्यपुर्ण शोध , सामाजिक कार्य व शौर्य अशा क्षेत्रात विशेष नैपुण्यपुर्ण कामगिरी केलेली आहे , त्यांना दिला जातो . त्यांच्या या धाडसाचे कौतुक व्हावे व समाजातील इतर बालकांनाही त्याच्यापासून प्रेरणा मिळावी म्हणून हा पुरस्कार महत्वाचा आहे.

Read More

नांदेडला 30 एकरावर होणार आंतरराष्ट्रीय दर्जाचे स्टेडियम

नांदेड : नांदेडकरांसाठी एक मोठी बातमी असून पालकमंत्री अशोक चव्हाण यांनी नांदेडमध्ये 30 एकटांवर भव्य आंतरराष्ट्रीय स्टेडियम होणार असल्याचा निर्णय जाहीर केला . युवकांना क्रीडा सुविधांसह चांगले प्रशिक्षकही मिळावेत यासाठी आग्रही भुमिका मांडत कौठा येथे 30 एकर जागेवर आंतरराष्ट्रीय दर्जाचे अद्यावत क्रीडा संकुल उभारण्याबाबत महत्वपूर्ण निर्णय जाहीर केला .जिल्ह्यातून विविध क्रीडा प्रकाट , खेळांमध्ये आंतरराष्ट्रीय दर्जाचे क्रीडापटू तयार व्हावेत यासाठी त्यांना चांगल्या क्रीडा संकुलाची नितांत आवश्यकता आहे . जिल्ह्यातील क्रीडापटूंना यासाठी आता जास्त प्रतीक्षा करावी लागणार नसल्याचे या निर्णयानंतर दिसून येत आहे . क्रीडा संकुल विकासाबाबत आज नांदेड येथील डॉ . शंकरराव चव्हाण जिल्हा नियोजन भवनात आयोजित केलेल्या बैठकीत हा निर्णय घेण्यात आला . यावेळी जिल्हा परिषदेच्या अध्यक्षा सौ . मंगाराणी अंबुलगेकर , जिल्हाधिकारी डॉ . विपीन इटनकर , जिल्हा परिषदेच्या मुख्य कार्यकाटी अधिकारी वर्षा ठाकूर , जिल्हा परिषदेचे कृषि व पशुसंवर्धन सभापती बाळासाहेब कदम रावणगावकर , अधिक्षक अभियंता अविना er धोंडगे , जिल्हा क्रीडा अधिकारी राजेश्वर माटावाट उपस्थित होते .या क्रीडा संकुलात सिन्थेटिक अॅथलेटिक्स मैदान , स्विमिंगपूल , बॅटमिंटन हॉल , फुटबॉल , हॉकी , कबड्डी , खो - खो , व्हॉलीबॉल , जिमनॅस्टिकसाठी हॉल , ज्यूदो कराटे , पॉवर लिफ्टींग , बास्केट बॉल , स्केटिंग , आर्चटी , तॉयक्कोंदो , कुस्ती अ eIT विविध खेळांचे अद्ययावत व प्रमाणित आंतरराष्ट्रीय दर्जाचे मैदान असतील . याचबरोबर क्रीडापटूंच्या अंगी आंतरराष्ट्रीय दर्जाचे कसब यावे यादृष्टिने नियमित सराव शिबीर स्पर्धा घेण्यासाठी लागणाया अत्यावश्यक सेवा सुविधांचाही समावेश राहिल . नवीन शासन निर्णयानुसार जिल्ह्यातील क्रीडा विकासाबाबत आता स्वतंत्र समिती तयार करण्यात आली असून या समितीचे पदसिद्ध अध्यक्षपदी पालकमंत्री अशोक चव्हाण यांची नियुक्ती केली . सदर तीस एकर जागा या नवनिर्मित जिल्हा क्रीडा संकुलासाठी तात्काळ उपलब्ध करून देण्याबाबत योग्यती प्रक्रिया करण्याचे निर्देश पालकमंत्री अशोक चव्हाण यांनी जिल्हाधिकारी डॉ . विपीन इटनकर यांना दिले . 

Read More

हाथरस येथील घटनेचा मानवहीत लोकशाही पक्षाच्या वतीने बिलोलीत तिव्र निषेध

बिलोली:मानवहीत लोकशाही पक्षाच्या वतीने हाथरस येथे घडलेल्या 19 वर्षीय मुलीवर झालेल्या आत्याचार च्या विरोधात बिलोली तहसिल कार्यालय येथे आज दि 5 ऑक्टोबर रोजी निषेध व्यक्त करण्यात आला तसेच पिढीत मुलीच्या कुटुंबीयांना पोलीस संरक्षण देण्यात यावे. अशी घटना घडू नये यासाठी कायदा पुन्हा कडक करण्यात यावा. सदरील घटनेतील आरोपीस फाशीची शिक्षा लवकरात लवकर देण्यात यावी. तसेच उत्तर  प्रदेश सरकार व पोलीस प्रशासन याच्यावर कडक कार्यवाही करण्यात यावी. या पिडीत कुटूबीयांना लवकरात लवकर न्याय मिळून द्यावा, अन्यथा तिव्र आंदोलन करण्याचा इशारा आज तहसिलदार यांना निवेदन देऊन करण्यात आला या वेळी मानवहीत लोकशाही पक्षाचे बिलोली तालूका अध्यक्ष विजय भरान्डे,बिलोली तालुका प्रवक्ते साहेबराव दावलेकर,विद्यार्थी आघाडी बिलोली ता.उपाध्यक्ष गंगाधर बोईवार,सामाजिक कार्यकर्ते मुकिंदर कुडके,सामाजिक कार्यकर्ते सखाहरी घायाळ,शामराव भरान्डे,बालाजी मोरे यांच्या सह अनेक जण उपस्थित होते.

Read More

अर्धापूरात काँग्रेसचे धरने आंदोलन

अर्धापूर : भाजपा शाषीत सरकार लोकशाहीचा गळा घोटून हुकुमशाही पध्दतीने कारभार करीत असल्याने उतरप्रदेशातील हाथरसमध्ये बलात्कार करुन पीडीत मुलीची चीभ कापून कमरेचे हाडे मोडली तरी योगी सरकारचे ऐकुन पोलिसांनी पीडीताचे प्रेत घरच्यांना हवाली न करता थेट रातोरात अंत्यविधी करुन घेतला , यामुळे देशभरात असंतोष पसरला असून सबंधीत आरोपींना फाशावर लटकवण्याची मागणी आ.अमरनाथ राजूरकर यांनी केली सोमवारी शहरातील प्रज्ञाबौध्द विहारात आ अमरनाथ राजूरकर , माजी खा.तुकाराम रेंगे पाटील , आ माधवराव जवळगावकर आ मोहनराव हंबर्डे , आ रावसाहेब अंतापूरकर , जि प अध्यक्षा सौ मंगाराणी अंबुलगेकर , महापौर सौ मोहिनी येवनकर माजी महापौर मंगलाताई निमकर सभापती रामराव नाईक सरचिटणीस संजय देशमुख लहानकर सभापती सरीता बिरकिले , उपसभापती जोत्सा गोडबोले , अनिता इंगोले , रेखा चव्हाण , कविता कळसकर , मंगला धुळेकर उज्वलाताई इंगोले , जेसीका शिंदे , सभापती सौ.कांताबाई अशोकराव सावंत , मनिषा शिनगारे , युकाँचे जिल्हाध्यक्ष पप्पू पाटील कौंढेकर तालुकाध्यक्ष बालाजी पाटील गव्हाणे , शहराध्यक्ष राजेश्वर शेटे , मदन देशमुख , सौ प्रणीता सरोदे यांची प्रमुख उपस्थिती होती . तथागत भगवान गौतमबुद्ध व डॉ . बाबासाहेब आंबेडकर यांच्या प्रतिमेचे पुजन करुन प्रज्ञाबौध्द विहारात अर्धातास मौन पाळून धरणे आंदोलन केले . यावेळी आ राजूरकर म्हणाले कि , देशात लोकशाही मोडीत काढण्याचे काम सुरु असून दलितावर अत्याचारांच्या घटनात वाढ झाली तरी भाजपा शाषीत सरकार झोपीत आहे . आ.माधवराव जवळगावकर यांनी हाथरस प्रकरणी योगी सरकारने राजीनामा देण्याची मागणी केली ,

Read More

हाथरस येथील घटनेचा वंचित बहुजन आघाडी च्या वतीने बिलोलीत तीव्र निषेध

बिलोली | उत्तर प्रदेश मधील हाथसर येथे मुलीवर झालेल्या सामूहिक अत्याचाराच्या घटनेचा देशभर मोठ्या प्रमाणात संताप व्यक्त केला जात आहे. त्या घटनेचा खटला फास्ट टँक कोर्टामध्ये चालवुन आरोपीला फाशीची शिक्षा देण्यात यावी तसेच उत्तरप्रदेश मध्ये राष्ट्रपती राजवट लागू करण्यात यावी महिलांना शस्ञ बाळगण्याची परवानगी देण्यात यावी या प्रकरणातील जिल्हाधिकारी व संबंधित अधिकाऱ्यावर कारवाई करण्यात यावी या मागणीचे निवेदन वंचित बहुजन आघाडीचे कार्यकर्ते धम्मदीप गावंडे, पॅंथर इंद्रजीत डुमणे गागलेगावकर, काशिनाथ मानेमोड यांच्या नेतृत्वाखाली कार्यकर्त्यांनी बिलोली मध्ये उत्तरप्रदेशचे मुख्यमंत्री योगी आदित्यनाथ यांची प्रतिमा जाळून निषेध व्यक्त केला. यावेळी बाळू लोहगावकर, संदीप कांबळे, गौतम वाघमारे, यांच्यासह वंचित बहुजन आघाडीचे शिवाजी विचारे, धम्मपाल जाधव, शिवराज सुर्यकर, संदेश जाधव यांच्या सह आजाद समाज पार्टीचे व वंचित बहुजन आघाडीचे कार्यकर्ते उपस्थित होते.

Read More

कुंडलवाडी नगर परिषदेच्या अध्यक्षपदी शिवसेनेच्या सौ.सुरेखा जिट्टावार

बिलोली- तालुक्यातील कुंडलवाडी नगरपरिषदेच्या लोकनियुक्त नगराध्यक्षा डॉ.सौ.अरुणा कुडमुलवार यांना शासनाने जातवैधता प्रमाणापत्रा अभावी अपात्र केल्यानंतर जिल्हाधिकारी डॉ विपीन इटनकर यांनी सदस्यांमधून नगराध्यक्ष पदाची पोट निवडणूक जाहीर केली . 

त्यानुसार 1 ऑक्टोबर रोजी झालेल्या पोट निवडणुकीत नगराध्यक्षपदी शिवसेनेच्या सौ . सुरेखा नरेंद्र जिट्टावार यांची निवड झाली असून त्यांनी भाजपच्या सौ.रेहाना बेगम पाशामिया यांना पराभूत केले आहे . कुंडलवाडी नगर परिषदेची पोट निवडणूक ही सदस्यामधून झाली नगराध्यक्षपद ओबीसी महिलेसाठी राखीव होते.आज झालेल्या सभेत सौ . जिट्टावार यांना 10 मते सौ रेहाना बेगम यांना 6 तर एक सदस्यांना कुणालाही मतदान न करता तटस्थ भूमिका घेतल्याने महाविकास आघाडीच्या शिवसेना उमेदवार सौ सुरेखा जिट्टावार यांची निवड झाली आहे .या निवडणुकीत आ . अमरनाथ राजूरकर हे किंगमेकर ठरले असून शिवसेनेचे सुभाष साबणे , माजी नगराध्यक्ष संतोष कुलकर्णी , शिवसेना जिल्हाप्रमुख उमेश मुंडे , प्रकाश मारावार , माजी नगराध्यक्ष सुनील बेजगमवार , मनपानगरसेवक संदीप सोनकांबळे यांनी महत्वाची भूमिका बजावली आहे .

Read More