भोकर अपर पोलीस अधीक्षकांचे अंगरक्षक पो.ना. समंदरे यांचा मुंबईत रेल्वे अपघात मृत्यू

आज सकाळी हिंदू दहनभूमी गोवर्धघाट नांदेड येथे त्यांच्यावर पोलीस इतमामात होणार अंत्यसंस्कार

प्रतिनिधी

भोकर : नांदेड जिल्ह्यातील भोकर पोलीस ठाणे अंतर्गत सेवाकरत असलेले भोकर अपर पोलीस अधीक्षकांचे अंगरक्षक म्हणून कर्तव्यावर असलेले पो.ना.शिवराम श्रीपतराव समंदरे हे बहिणीस मुंबई येथे सोडण्यासाठी गेले असता दि.१९ डिसेंबर रोजी मुंबईतील एका रेल्वेस्थानकावर लोकल ट्रेनच्या अपघात त्यांचा दुर्दैवी मृत्यू झाला असून त्यांच्या दुर्दैवी मृत्यूने नांदेड जिल्हा पोलीस दलात शोककळा पसरली आहे.तर आज दि.२० डिसेंबर रोजी सकाळी हिंदू दहनभूमी गोवर्धघाट नांदेड येथे त्यांच्या पार्थिवावर पोलीस इतमामात अंत्यसंस्कार करण्यात येणार आहेत. ते मूळचे देगलूर तालुक्यातिल रहिवाशी आहेत.