भोकर पोलिसांची धाडसी कारवाई; चोरीच्या सतरा दुचाकी जप्त

भोकर- शहरासह परिसरात झालेल्या दुचाकी चोरी प्रकरणी पोलिसांकडून धाडसी कारवाई करण्यात आली असून दोन अट्टल चोरटयांना अटक करून त्यांच्याकडून तब्बल ०८लाख ७०हजार रुपयांच्या १७ दुचाकी जप्त करण्यात आल्या असल्याची माहिती पोलीस निरीक्षक नानासाहेब उबाळे यांनी दिली आहे.

याबाबत अधिक माहिती असे की, दिवशी बू येथील विजय सोनकांबळे व नवीन गुद्देवाड हे दोघे तेलंगणा राज्य व भोकर पोलीस स्थानक हद्दीतून दुचाकी चोरी करून विकत असल्याची गोपनीय माहिती पोलिसांना मिळाली यावरून यातील विजय सोनकांबळे या आरोपीस ताब्यात घेऊन आधिक चौकशी केली असता आरोपीने मोटर सायकली चोरून विकत असल्याची कबुली दिली यानुसार भोकर पोलिसांनी गु . र.नं.४१३/२३ भा. द वि ३७८ नुसार गुन्हा दाखल करून तपासाचे चक्री गतिमान केली तेव्हा या चोरट्याने तामसा येथून एक भोकर पोलीस स्थानक हद्दीतून दोन व नजीकच्या तेलंगाना राज्यातून चौदा दुचाकी चोरून मजूरवाडी तामसा येथील अल्ताफ शेख यांना विक्री केल्याची कबुली दिली. यानुसार पोलिसांनी तब्बल आठ लाख सत्तर हजार रुपयाच्या सतरा मोटरसायकली जप्त केल्या आहेत दुसरा आरोपी नवीन गुद्देवाड हा मात्र पोलिसांना गुंगरा देण्यात यशस्वी झाला असून सदर आरोपीस अटक झाल्यास आणखी चोरीच्या गाड्या मिळून येण्याची शक्यता पोलीस सूत्रांकडून वर्तवली जात आहे. दरम्यान दोन आरोपींना आज दि १३ डिसेंबर रोजी न्यायालयासमोर हजर केले असता त्यांना चार दिवसाची पोलीस कोठडी मिळाली आहे. चार दिवसाच्या पोलीस कोठडीत या चोरट्यांकडून आणखी गुन्हे उघड होणार आहेत.

सदर यशस्वी कामगिरी पोलीस निरीक्षक नानासाहेब उबाळे यांच्या मार्गदर्शनाखाली फौजदार दिगंबर पाटील फौजदार विकास आडे पोलिस अंमलदार दिलीप जाधव ,नामदेव जाधव, परमेश्वर कळणे,मोईन सय्यद, गुरुदास आरेवार यांच्या पथकाने केली आहे. पोलिसांच्या या उत्तम कामगिरीचे नागरिकात कौतुक होत आहे.