देगलुरात तीन ठिकाणीघरफोडी; चोरांचा धुमाकूळ

देगलूर :पोलिसांना मुखेडातील दोन मोटर सायकल चोरटे नुकतेच हाती लागले असतानाच शहरात पुन्हा भुरटे चोरटे सक्रिय होऊन पोलिसांसमोर नवे आव्हान निर्माण केले आहे. शहरातील भक्तापूर रोडवरील सद्गुरुनगर मध्ये गुरुवारी (ता. ४) तीन घरांचे कुलूप फोडून चोरट्यांनी काही वस्तू लंपास केल्याचे समोर आले आहे. सदगुरु नगर मधील मोतेवार आणि मोखेड या दोन शिक्षकांच्या घरासह भूताळे यांचे घरात चोरी झाल्याचे उघड झाले आहे.देगलुरात पुन्हा चोरांच्या टोळ्या सक्रीय झाल्या आहेत. घराला कुलूप लावलेले असले की ते घर त्या दिवशी फोडलेच समजा असा शिरस्ता चोरट्यांनी टाकला असल्याने शहरात भीतीचे सावट पसरलेले आहे. शहरातील भक्तापूर रोड हा सध्या तेलंगणाला जोडणारा सर्वात जवळचा मार्ग असल्याने व नॅशनल हायवेवर टोलनाका सक्रिय झाल्याने भक्तापूर रोड मार्गे तेलंगणात जाणाऱ्या वाहनांची संख्या दिवसेंदिवस वाढत चाललेली आहे. त्यामुळे या रस्त्यावरील नव्या वसाहतीमध्ये बाहेरील राज्यातील नागरिकांची ही वर्दळ वाढलेली आहे. या गोंधळाचा फायदा भुरटे चोरटे घेत असल्याचे दिसून येत आहे.

शहरातील भक्तापूर रोडवरील सद्गुरुनगर मध्ये गुरुवारी (ता. ४) तीन घरांचे कुलूप फोडून चोरट्यांनी काही वस्तू लंपास केल्याचे केले. सद्गुरुनगर मधील मोतेवार गुरुजी व त्यांचे भाडेकरू बाहेरगावी गेल्याची संधी साधून चोरट्यांनी त्यांचे मध्यरात्री कुलूप फोडून घरात प्रवेश केला. ते सध्या बाहेरगावी गेले असल्याने घरातील काय काय वस्तू गेल्या याचा तपशील मात्र हाती आला नाही. शिळवणीचे रहिवाशी भूताळे यांच्या घरालाही कुलूप दिसल्याने चोरट्यानी त्यांचेही घर फोडले. तर सेवानिवृत्त शिक्षक मोखेडे गुरुजी यांच्या घराचे कुलूप तोडून चोरट्यांनी घरात प्रवेश केला घरातील कपाट फोडून कपडे व इतर वस्तू इतरत्र फेकल्या गेले. एकाच परिसरात एकाच दिवशी तीन-तीन घरे फोडल्याने सद्गुरुनगर मधील रहिवाशात सध्या भीतीचे सावट पसरलेले आहे..