हाळदा येथे महिलांचा अहिल्यादेवी होळकर पुरस्काराने सन्मान

भोकर :- तालुक्यातील मोजे हाळदा येथील ग्रामपंचायत कार्यालयात पुण्यश्लोक अहिल्यादेवी होळकर यांची जयंती साजरी करण्यात आली.यावेळी सामाजिक क्षेत्रात उल्लेखनीय योगदान दिलेल्या बालविकास व अंगणवाडी विभागातील महिलांचा महाराष्ट्र शासनाच्या वतीने आलेले प्रशस्तीपत्र, स्मृतिचिन्ह व पाचशे रुपये देऊन ग्रामपंचायतच्या सरपंच सौ. सुमनबाई माधवराव नागमोड यांच्या हस्ते यथोचित गौरव करण्यात आला.

   महिला व बाल विकासासाठी झटणाऱ्या ग्रामीण भागातील महिलांना प्रोत्साहन मिळावे, त्यांच्या कार्य कौशल्याचा गौरव व्हावा व त्यांच्यात जागरूकता निर्माण व्हावी म्हणून महाराष्ट्र शासनाच्या बालविकास विभागाकडून प्रत्येक गावातील अंगणवाडी क्षेत्रात काम करणाऱ्या दोन महिलांचा पुण्यश्लोक अहिल्यादेवी होळकर सन्मानपत्र, स्मृतिचिन्ह व पाचशे रुपये देऊन गौरव करण्यात आला. यात हाळदा येथील श्रीमत कल्पना गोविंदराव भोसले व सौ.सविता बालाजी आमेटवाड या दोन महिलांच्या विशेष योगदानाबद्दल सरपंच सौ.सुमनबाई माधवराव नागमोड यांच्या हस्ते गौरव करण्यात आला. यावेळी अंगणवाडीच्या सुपरवायझर राव मॅडम, ग्रामसेवक राजकुमार विजापुरे, तंटामुक्त गाव समितीचे अध्यक्ष मारोती पेरेवार, चेअरमन दत्तराव अक्कलवाड, भुजंगराव भोसले, दत्ता यदलेवाड, अंगणवाडी सेविका सौ.किसवे, सौ.आरलेवाड,अंगणवाडी मदतनीस आदी सह ग्रामपंचायतीच्या कर्मचाऱ्यांची मोठ्या संख्येने उपस्थिती होती.