सर्व्हर डाऊनमुळे शालेय विद्यार्थ्यांचे प्रमाणपत्र रखडले

बिलोली: शासन आपल्या दारी ही योजना अर्जदारांचे प्रकरण ताबडतोब निकाली निघाले पाहिजे या उद्देशाने कोट्यावधी रुपये खर्च करून राबवली जात आहे. प्रत्यक्षात बिलोली तहसील कार्यालयातील कर्मचारी हे प्रमाणिकपणे जर काम करत असले तर दाखले लवकरात लवकर मिळतात मात्र तहसील कार्यालयात मात्र पूर्ण पणे भ्रष्टाचर चालू आहे पैसे घेतल्या शिवाय कोणतेचकाम लवकर होत नाही. त्यातच महा ऑनलाईन प्रनालीचा नेटवर्क सरवर डाउन राहात असल्याने विद्यार्थ्यांना शिक्षण कामासाठी लागणारे प्रमाणपत्र डाऊन सर्वरच्या कचाट्यात सापडले आहे.

पालक आपल्या पाल्यांचा शैक्षणिक नुकसान होत की काय या चिंतेने हतबल होऊन तहसील कार्यालय ते सेतू सुविधा कंद्रावर चकरा मारतांना दिसुन येत आहे. तसेच बहुतांश प्रमाणपत्र एरर मुळे अडकत असल्याने अर्जदारांना आर्थिक भुर्दंड सोसावा लागत असल्याने एरर मुळे अडकलेली प्रमाणपत्रे हरिअप्रूव करुन त्याच दाखल केलेल्या कागदावरच प्रमाणपत्र देण्यात यावे अशीही मागणी पालकातून केली जात आहे. त्यामुळे अर्जदाराचा वेळ आणि आर्थिक भुदंड पासून वाचतील असे बोलले जात आहे.दि २५ जुन २०२३ रविवार रोजी राज्याचे मुख्यमंत्री व विविध खात्यांचे मंत्री व डजन भर लोकप्रतिनिधी यांच्या प्रमुख उपस्थितीत नांदेड येथे मोठा गाजावाजा करत शासन आपल्या दारी या कार्यक्रम संपन्न झाला. या वेळी राजाचे मुख्यमंत्र्यांनी नागरिकांच्या सोयी - सुविधेसाठी शासन आपल्या दारी या उपक्रमाच्या माध्यमातून जनकल्याणकारी उपक्रमे राबवली जात असल्याचे सांगितले. ही योजना जरी नागरिकांसाठी उपयुक्त असले तरी ती योजना मात्र कागदावरच आहे की काय ? असा प्रश्न विद्यार्थी व पालकांमधून उपस्थित केला जात आहे. शासनाची शासन आपल्या दारी ही योजना पूर्णतः अमलात आणण्यासाठी संबंधित विभागाचे अधिकारी या कडे लक्ष देऊन सरवर डाऊन च्या कचाट्यात अडकलेले विद्यार्थ्यांचे विविध प्रमाणपत्र मिळण्यासाठी महा ऑनलाईनचा नेट सरवर सुरळीत करतील काय असा प्रश्न जनसामान्यातुन केला जात आहे.