सरकार गतीमान पण भोकर आगारात महीलांचा अपमान.

भोकर अंबादास के एल बोयावार 

भोकर:महाराष्ट्र शासन हे महीलांच्या उत्कर्षासाठी सदैव

तत्पर असल्याच्या कोट्यावधी रूपयाच्या जाहीराती एस.टी. बसेसवर महाराष्ट्र सरकार खर्च करत आहे परंतु भोकर आगारात प्रवाशाना साधी शौचालयाची तसेच पिण्याच्या पाण्याची देखील सुवीधा नाही व आगारात रात्रीला लाईट ची व्यवस्था देखील नाही. त्यामुळे सरकार गतिमान असले तरीही भोकर आगारात महिलाचा अपमान म्हणण्या सारखी दुर्दैवी वेळ महिला प्रवाशांवर आली आहे.

दि.18 मार्च पासून महाराष्ट्र शासनाने सर्व महिलाना प्रवाशांना बस प्रवासात 50% सुट दिल्याने महिला प्रवाशांची कमालीची वाढ होत असलेली दिसून येत आहे.भोकर बसस्थानकात महिलांची प्रचंड गर्दी वाढताना दिसून येत असून या बसस्थानकात महिलांसाठी ना स्वच्छतागृह,ना पिण्याचे पाणी,ना बसण्यासाठी पुरेशी व्यवस्था अशी दैनिय अवस्था बस स्थानकाची दिसून येत असून परिणामी महिला व पुरुष प्रवाशांना लघुशंके करीता उघडयावर जावे लागत आहे.त्याबरोबच रात्रीच्या वेळेस आगाराच्या परिसरात लाईट ची व्यवस्था नसल्या कारणाने अंधाराचे साम्राज्य दिसून येत असून रात्रीच्या वेळी महिला प्रवाशांच्या मनात असुक्षिततेची भावना निर्माण होत आहे.

 

 भोकर मतदार संघ हा महाराष्ट्राचे माजी मुख्यमंत्री तथा भोकरचे विद्यमान आमदार अशोकराव चव्हाण यांचा असुन त्यांनी भोकर तालुक्यातील विकास कामावर कोट्यावधी रुपयांचा निधी जाहीर करत आहेत तसेच तालुक्यात विकासाची कामे ही झालेली आहेत परंतु भोकर बसस्थानकामधील मोठ्या प्रमाणात वाढलेल्या असुवीधा यांच्याकडे लक्ष देऊन महिला व पुरुष प्रवाशांकरीता अध्यावत असे स्वच्छता गृह,शुद्ध पिण्याचे पाणी, आगारात प्रवाशांना बसण्यासाठी पुरेशी आसन व्यवस्था, तसेच महिलांच्या हिरकणी कक्षात आवश्यक त्या सुविधा महिला प्रवाशांसाठी कराव्यात अशी मागणी महिला प्रवाशांकडून मोठया प्रमाणात होत आहे.