हाळदा येथे श्री महादेवांच्या यात्रे निमित्त कुस्तीच्या दंगली व किर्तन सोहळा

भोकर प्रतिनिधी:- तालुक्यातील मोजे हाळदा येथे दरवर्षीप्रमाणे याही वर्षी दि.०१ एप्रिल २०२३ ते दि.४ एप्रिल २०२३ दरम्यान श्री महादेवाची भव्य यात्रा भरत असून त्यानिमित्त मोठ्या प्रमाणात कुस्तीच्या दंगली,मनोरंजनाचे कार्यक्रम व संतांची हरी कीर्तने आयोजित करण्यात आली आहेत. या यात्रेतील कार्यक्रम खालील प्रमाणे राहणार आहेत. 

दि.०१/४/२०२३ रोज शनिवार सकाळी ८ वाजता महादेवाच्या काठीची स्थापना व रात्री ९ वाजता संगीत भजनी व मोगलाई भजनी मंडळी हाळदा यांच्या भजनाचा दणदणीत कार्यक्रम राहिल. दि.०२/४/२०२३ रोज रविवार सकाळी ९.०० वाजता. श्री महादेवाचा विधीवत अभिषेक व रात्री ठिक ९ वा. ह.भ.प. अनंत महाराज कुंडकर अंजनखेड व त्यांचा संगीत संच यांचे जाहीर हरिकिर्तन.दि.०३/४/२०२३ रोज सोमवार दु.२ वा.जंगी कुस्त्यांचे सामने सुरू होतील.व रात्री ०९.०० वा. विनोदाचार्य ह.भ.प.गोविंद महाराज कल्याणकर नांदेड व त्यांचा संगीत संच यांचे हरी कीर्तन होईल. यात्रेतील कुस्त्यांची बक्षीसे खालील प्रमाणे- प्रथम बक्षीस ९००१/- समस्त गावकरी मंडळी हाळदा तर्फे, व्दितीय बक्षीस ७७७७/-श्री किरण मधुकरराव पाटील किसवे हाळदेकर यांच्या तर्फे,तृतीय बक्षीस ५५५५ श्री प्रशांत रमेशराव पाटील किसवे हाळदेकर यांच्या तर्फे, चतुर्थ बक्षीस ३०५१ /- श्री दत्ताभाऊ डोंगरे हाळदेकर (उद्योजक) यांच्या तर्फे, पंचम बक्षीस २५५१/- कै.पोशट्टी पिराजी भंडरवाड यांच्या स्मरनार्थ श्री मारोतराव पोशट्टी भंडरवाड यांच्या तर्फे व उर्वरीत कुस्त्यांचे बक्षीस कुस्ती पाहून देण्यात येईल. या कुस्त्यांच्या दंगलीत पंचाचा निर्णय अंतीम राहील त्याच बरोबर खेळाडूंच्या जिवीत्वाची जबाबदारी ज्यांची त्यांच्यावर राहील.दि.०४/४/२०२३ रोज मंगळवार रात्री महादेवाच्या काठीची नगर प्रदिक्षणा व भजनाचा दणदणीत कार्यक्रम राहील. तरी नांदेड जिल्ह्यातील व परिसरातील यात्रेकरू, दुकानदार, कुस्तीगिर मंडळी व किर्तन प्रेमी मंडळीनी या सुवर्ण संधीचा अवश्य लाभ घ्यावा व जास्तीत जास्त संख्येने यात्रेत उपस्थित राहून यात्रेची शोभा वाढवावी असे आवाहन समस्त गावकरी मंडळी हाळदा यांच्यातर्फे करण्यात आले आहे.