बारड येथील ट्रक दुचाकी अपघातात दुचाकीस्वाराचा जागीच मृत्यू

भोकर : बारड जवळील मुख्य राष्ट्रीय महामार्गावर झालेल्या ट्रक दुचाकीच्या भिषण अपघातात दुचाकीस्वाराचा जागीच मृत्यू झाल्याची दुर्दैवी घटना दि. ०५ एप्रिल रोजी सायंकाळी अंदाजे ५:३० च्या सुमारास घडली आहे.भोकर कडून नांदेड कडे भरधाव वेगात जाणारा ट्रक क्रमांक महा १८ ए ए ५६६४ या ट्रकने नांदेड कडून भोकर कडे येत असलेल्या दुचाकी क्रमांक महा २६ बी डब्लू ८२०३ यास जोराची धडक दिल्याने यात दुचाकीस्वार गजानन आदिनाथ बिज्जमवार (३०) राहणार गांधी चौक,भोकर येथील हया युवकाचा जागीच मृत्यू झाला आहे.हा अपघात एवढा भीषण होता की दुचाकीस्वार हा ट्रकच्या मधोमध घुसल्याने ट्रकच्या चाका खाली आल्याने युवकाचा दुर्दैवी मृत्यू झाला आहे.अपघातातील ट्रकच्या खाली अडकून मृत्यू पावलेल्या युवकास काढण्यासाठी जवळपास एक तास लागला होता,अपघाताची बातमी समजताच ग्रामस्थांनी तसेच महामार्ग पोलिसांनी घटनास्थळी धाव घेतली यानंतर ग्रामस्थांच्या तसेच पोलिसांच्या मदतीने युवकास बाहेर काढण्यात आले आहे. या घटनेने परिसरात सर्वत्र हळहळ व्यक्त केल्या जात आहे. राष्ट्रीय महामार्ग वरील अपघातामुळे एक तास वाहतूक ठप्प झाली होती यानंतर महामार्ग पोलिसांनी वाहतूक सुरळीत केली अपघातात ठार झालेल्या युवकास स्वेच्छदनासाठी बारड येथील ग्रामीण रुग्णालयात दाखल करण्यात आले आहे, वृत्त लिहीपर्यंत बारड पोलीस ठाण्यामध्ये अपघाताचा गुन्हा नोंद करण्याची प्रक्रिया चालू होती, पुढील अधीक तपास सहाय्यक पोलीस निरीक्षक शिवराज तूगावे यांच्या मार्गदर्शनाखाली पो.हे.कॉ. पवार हे करीत आहेत.