मध्यवर्ती बँक शाखेचे रोखपाल गंगाधर उमरे यांचे हृदय विकाराने निधन

भोकर प्रतिनिधी:- भोकर येथील जिल्हा मध्यवर्ती बँक शाखेचे रोखपाल श्री गंगाधर विठ्ठलराव उमरे वय ५६ वर्षे यांचे आज दि.१३ एप्रिल २०२३ रोज गुरुवारी बँकेत काम करीत असताना अचानक ३:३०च्या दरम्यान आलेल्या हृदयविकाराच्या तीव्र झटक्याने दुखद निधन झाले आहे.

   गंगाधर उमरे हे भोकर तालुक्यातील मोजे मोघाळी येथील रहिवासी असून ते गेल्या अनेक वर्षापासून नांदेड जिल्हा मध्यवर्ती सहकारी बँक शाखा भोकर येथे रोखपाल म्हणून काम करतात. त्यांचा स्वभाव अत्यंत मनमिळाऊ, सुशील व प्रेमळ असल्यामुळे ते भोकर तालुक्यात एक लोकप्रिय व शिस्तप्रिय कर्मचारी म्हणून प्रसिद्ध होते. नित्य नियमाप्रमाणे ते आजही दिनांक १३ एप्रिल रोजी बँकेत शेतकऱ्यांना विविध योजनेतील मिळालेल्या रक्कमेचे वाटप करीत होते.रक्कम वाटप करीत असताना दुपारी३:३० च्या दरम्यान अचानक त्यांना हृदयविकाराचा तिव्र झटका आला. त्यामुळे बँकेतील कर्मचाऱ्यांनी त्यांना शहरातील एका खाजगी दवाखान्यात उपचारासाठी घेऊन गेले परंतु लगेच दवाखान्याच्या बाहेरच पुन्हा दुसरा तीव्र झटका आला आणि त्यातच त्यांची प्राणज्योत मालवली. एका कर्तव्य तत्पर व सुशील आणि मनमिळावू स्वभावाच्या कर्मचाऱ्याचा असा अचानक मृत्यू झाल्याने तालुक्यात सर्वत्र हळहळ व्यक्त केल्या जात आहे. त्यांच्या पार्थिवावर आज दि.१३ एप्रिल रोज गुरुवारी रात्री १० वाजता मौजे मोघाळी येथे अंत्यसंस्कार करण्यात येणार आहेत. त्यांच्या पश्चात आई,भाऊ,पत्नी,दोन मुले व एक मुलगी असा परिवार आहे. उमरे परिवाराच्या दुःखात दैनिक मराठवाडा नेता परिवार सहभागी आहे.