भोकर /अंबादास के एल बोयावार
शहरातील नांदेड मार्गावरील वळणरस्त्यावर उभारण्यात येणाऱ्या उड्डाणपुलाच्या कामात काळी माती युक्त ढबर मुरूम भरण्यात येत आहे.त्यामुळे भविष्यात सदरील उड्डाणपूल ढासळण्याची शक्यता नाकारता येत नाही. सदरील उड्डाणपूलाचे काम करणारे कंत्राटदार निकृष्ट दर्जाचे साहित्य वापरून घाईगडबडीत काम उरकण्याचा प्रयत्न करीत असतानाही भोकर राष्ट्रीय महामार्ग कार्यालयाच्या अभियंत्यांनी जाणिवपूर्वक दुर्लक्ष केल्याने संताप व्यक्त होत आहे.केंद्रीय रस्ते वाहतूक मंत्री नितीन गडकरी यांनी संपुर्ण देशात रस्त्याचे जाळे निर्माण करण्यासाठी प्रयत्न करीत आहेत.देशातील रस्ते दर्जेदार व्हावे असा त्यांचा उद्देश असला तरी भोकर तालुक्यातून जाणाऱ्या महामार्गावरील उड्डाणपुलाच्या कामात निकृष्ट दर्जाचे साहित्य वापरण्याचा प्रयत्न होत असल्याचे दिसून येते.नांदेड रस्त्यावरील उड्डाणपुलाच्या कामासाठी नरम मुरूम वापरून त्यावर पाणी टाकने आवश्यक असतानाही कंत्राटदाराने या कामासाठी काळी माती मिश्रीत ढबर मुरमाचा वापर करीत आहे.सदरील कामावर राष्ट्रीय महामार्गाचे अभियंता जाणीवपूर्वक कानाडोळा केल्याने थातूरमातूर काम उरकण्याचा प्रयत्न कंत्राटदाराकडून होत असल्याने या विभागाच्या ढिसाळ कारभाराबाबत नागरीकातून रोष व्यक्त होत आहे.
सदरील उड्डाणपूलाचे काम थातूरमातूर पध्दतीने होत असल्याचे मला कळाले.याबाबत संबंधित कंत्राटदारांची कान उघडणी केली असून या कामासाठी दर्जेदार साहित्य वापरण्याची सुचना मी केली आहे.यानंतर निकृष्ट दर्जाचे काम करण्याचा प्रयत्न झाल्यास आमच्या विभागाकडून कंत्राटदारांवर कार्यवाही केली जाईल.
सुरेश हाटकर
सहाय्यक अभियंता राष्ट्रीय महामार्ग भोकर
0 comments:
Post a Comment