भोकर येथील विधी तज्ञाच्या गाडीने मोटरसायकल स्वारास उडविले

तालुका प्रतिनिधी 

भोकर- येथील जिल्हा शस्त्र न्यायालयातील विधी तज्ञाच्या गाडीने एका निष्पाप मोटरसायकल स्वारास उडविण्याची ह्रदयद्रावक घटना दिनांक 25 मे रोजी सकाळी 11वाजता किनवट रोडवरील पेट्रोल पंपा जवळ घडली असून यात एका महिलेचा मृत्यू तर एक जण जखमी झाल्याची माहिती प्राप्त झाली आहे. 

याबाबत मिळालेली सविस्तर माहिती अशी की कंचली तांडा तालुका किनवट जिल्हा नांदेड येथील सोनाबाई अजय जाधव वय 26 ही आपल्या माहेरी बेलगाव कुबेर येथून उदल सुभाष जाधव या नातेवाईकासोबत भोकर येथे दुचाकी वर येत होती भोकर किनवट महामार्गावरील पेट्रोल पंप जवळ येताच मारुती सुझुकी स्विफ्ट क्रमांक एम एच 26 ए के 51 89 या गाडीने जोरदार धडक दिली. यादरम्यान अपघातात मोटार सायकल स्वारासह पाठीमागे बसलेली महिला उडून खाली आढळल्याने प्रत्यक्षदर्शी नागरिकाकडून सांगण्यात आले अवध्या काही क्षणात परिसरातील नागरिकांनी सदर महिलेस दुचाकी स्वारास भोकर येथील शासकीय रुग्णालय उपचारासाठी दाखल केले सदर महिलेस जबर मार असल्याने पुढील उपचारासाठी नांदेड येथील डॉ शंकरराव चव्हाण शासकीय रुग्णालय येथे हलविण्यात आले. परंतु दुर्दैवाने तेथेच उपचारादरम्यान तिचा मृत्यू झाल्याचे सांगण्यात आले.