अनिल कपूरला मुख्यमंत्री करा; नेटकऱ्यांच्या मागणीवर ‘नायक’ म्हणतो…

मुंबई | विधानसभा निवडणुकीचा निकाल लागून आठवडा उलटला मात्र तरीही अद्याप महाराष्ट्राचा मुख्यमंत्री कोण हे निश्चित झालेलं नाही. त्यामुळे नेटकऱ्यांनी एक कल्पना सुचवली आहे. सेना-भाजपची वाटाघाटी होईपर्यंत अभिनेता अनिल कपूरला मुख्यमंत्री करा, अशी मागणी नेटकऱ्यांनी केली आहे.

नायक चित्रपटात अनिल कपूरने एक दिवसीय मुख्यमंत्र्याची भूमिका साकारली आहे. त्या एका दिवसात आदर्श मुख्यमंत्री कसा असावा, मुख्यमंत्र्याने काय-काय काम करावं याचा वस्तूपाठच घालून दिला आहे. त्यामुळे तो सर्वसामान्यांच्या गळ्यातला ताईत बनतो. आणि याच कारणामुळे नेटकऱ्यांनी ही मागणी केली आहे‘

मै नायक ही ठीक हूँ, असं म्हणत अनिल कपूरने नेटकऱ्यांच्या या मागणीवर आपलं मत व्यक्त केलं आहे. अनिल कपूरने स्वत: या मागणीवर मत व्यक्त केल्याने अनेकांच्या भुवया उंचावल्या आहेत. या उत्तराने अनेकांनी त्याचं कौतुक केलं आहे.

दरम्यान, अनिल कपूरने उत्तर दिलंय. त्यामुळे आता तरी लवकरात लवकर सरकार स्थापन करा, अशी मागणी नेटकऱ्यांनी केली आहे