पांडुरणा येथे सैनिकांचा सन्मान करुन साजरा केला स्वतंत्र दिवस

[ग्रामपंचायतीचा स्तुत्य उपक्रम ]

भोकर: तालुक्यातील पांडुरणा येथे ७६ वा स्वातंत्र्य दिन सैनिकांच्या उपस्थित मोठ्या उत्सवात साजरा करण्यात आला असुन पांडुरणा गावातील जि. प. प्रा. शाळा येथील ध्वजारोहण सीआरपीएफ चे माजी सैनिक साहेबराव नामदेव वने यांच्या हस्ते करण्यात आला तर ग्रामपंचायत कार्यालय येथील ध्वजारोहण भारतीय सेनेचे माजी सैनिक मेजर हायुन पठाण यांच्या हस्ते करण्यात आला.

मेरी मिट्टी मेरा देश या उपक्रमांतर्गत ग्रामपंचायत कडून सैनिकांचा सन्मान व वृक्षारोपण करण्यात आले.

ध्वजारोहण झाल्यानंतर भोकरचे उपविभागीय अधिकारी अनुपमसिंग यादव यांच्या हस्ते शहिद जवान स्मारकाच्या परिसरात वृक्षारोपण करण्यात आले.

 त्या नंतर भारत मातेच्या रक्षणासाठी आपले अमूल्य योगदान देणाऱ्या पांडुरणा गावचे भुमिपुत्र माजी सैनिक मेजर हायुन पठाण , माजी सैनिक साहेबराव वने,माजी वनरक्षक किशन राजेमोड, आरोग्य विभातील सुग्रीव डाकोरे या सह गडचिरोली येथे राज्य राखीव दलात कर्तव्यावर असलेले सूर्यकांत राजेमोड, शिवानंद हल्लेवाड, संतोष डाकोरे आणि शहिद जवान बालाजी डाकोरे व मारोती राजेमोड यांच्या कुटुंबीयांचा सन्मान कमलाकर बरकमकर यांच्या संकल्पनेतून ग्रामपंचायत कार्यालय पांडुरणा यांच्या वतीने करण्यात आला.

संपूर्ण देशभरात केंद्र सरकारच्या निर्देशानुसार आजादी का अमृत महोत्सव अभियान वर्षभरापासून राबविण्यात येत आहे .

या मोहत्सवाचा समारोप मेरी माटी मेरा देश अर्थात माझी माती माझा देश या अंतर्गत पांडुरणा गावातही गावचे सुपुत्र शहिद जवान बालाजी डाकोरे व मारोती राजेमोड यांच्या शिलाचे अनावरण गावच्या सरपंच सौ.गंगा बालाजी दासरवाड, व माजी सैनिक मेजर हायुन पठाण यांच्या हस्ते करण्यात आले.व या वेळी पंचप्रण शपथही घेण्यात आली .

यावेळी ग्रामपंचायत सदस्य केशव निमलवाड, गोविंद डाकोरे, संतोष दर्शनकर,रामधन राठोड ग्रामसेवक पानेवार,प्रतिष्ठित नागरिक खिरोजी गोविंदवाड,किशन डाकोरे,माजी सरपंच आनंदा लोखंडे, सुनिल मदनवाड,दगडु निमलवाड,मारोती राजेमोड, इम्रान जहागीरदार यासह सर्व सैनिकांचे कुटुंबीय जि.प.शाळेचे सर्व शिक्षक या सह गावातील आदी गावकर्यांची उपस्थित होते.