नांदेड: येथील पत्रकारितेतील निर्भीड व्यक्तिमत्व, शोध बातमीत ज्यांचा हातखंडा जबरदस्त असणारे व आंबेडकर चळवळीत सामाजिक तसेच समाज प्रबोधनावर बातम्या प्रकाशित करून बहुजन, कामगार, शेतमजूर, कष्टकरी, समाजाच्या प्रश्नावर अन्यायाला वाचा फोडणारे, स्वतःला सामाजिक कार्यात वाहून घेतलेले दैनिक वीर शिरोमणी व साप्ताहिक नंदगिरीचा कानोसाच्या माध्यमातून समाजाच्या प्रश्नावर अन्यायाला वाचा फोडणारे ज्येष्ठ पत्रकार तथा संपादक शंकर सिंह ठाकुर व साप्ताहिक नंदगिरीचा कानोसाचे संपादक मारोती शिकारे या दोघांच्याही कार्याची दखल घेऊन त्यांची दिल्ली येथील भारतीय दलित साहित्य अकादमी तर्फे देण्यात येणारा सन २०२३ यावर्षीचा "डॉ. बाबासाहेब आंबेडकर राष्ट्रीय फेलोशिप पुरस्कार" व "महात्मा ज्योतिबा फुले राष्ट्रीय फेलोशिप पुरस्कार" जाहीर झाला आहे.
हा फेलोशिप पुरस्कार दिल्ली येथे दिनांक १० डिसेंबर २०२३ रोजी देशातील व विदेशातील मान्यवरांच्या उपस्थितीत प्रदान करण्यात येणार असल्याचे पत्र राष्ट्रीय अध्यक्ष डॉ. सोहनपाल सुमनांक्षर यांनी पत्राद्वारे कळविले आहे.
यापूर्वीही पत्रकारितेतील कार्य व सामाजिक कार्य यांची नोंद घेऊन त्यांना राज्यस्तरीय पत्रकारिता पुरस्कार व जिल्हास्तरीय अनेक पुरस्काराने सन्मानित करण्यात आलेले आहे. आता सन २०२३ मध्ये पण त्यांच्या शिरोपेचात नवीन पुरस्काराचे तुरे लावण्यात आले आहेत. हा फेलोशिप पुरस्कार जाहीर झाल्याबद्दल शंकर सिंह ठाकुर व मारोती शिकारे यांच्यावर राजकीय, सामाजिक, मित्रपरिवार या सर्वांच्या वतीने अभिनंदनचा वर्षाव होत आहे.
.jpeg)
.jpeg)
0 comments:
Post a Comment