भाजपचे खासदार प्रताप पाटील चिखलीकर कोरोना पॉझिटीव्ह

नांदेड:नांदेड लोकसभा मतदारसंघाचे भाजपचे खासदार प्रताप पाटील चिखलीकर यांचा स्वब कोरोना पॉझिटीव्ह आला आहे . चिखलीकर यांच्या सध्या औरंगाबाद येथील एका खासगी रुग्णालयात उपचार सुरु आहेत . यापूर्वी खासदार चिखलीकर यांच्या चिरंजीव जिल्हा परिषद सदस्य प्रवीण पाटील चिखलीकर हे काही दिवसांपूर्वी कोरोना पॉझिटीव्ह आले आहेत .नांदेड जिल्ह्यातील कोरोनाच्या रुग्णांची संख्या दिवसेंदिवस वाढत आहे . त्याचसोबत आतापर्यंत माजी मुख्यमंत्री तथा पालकमंत्री अशोक चव्हाण , आमदार मोहन हंबर्डे , आमदार अमरनाथ राजूरकर , आमदार माधवराव पाटील जवळगाकवर यांच्यासह भाजपचे ग्रामीण जिल्हाध्यक्ष व्यंकटराव पाटील गोजेगाकवर , महानगराध्यक्ष प्रवीण साले आदींना कोरोनाचा संसर्ग झालेला आहे . वरील राजकीय मंडळीनी कोरोनावर मात केलेली आहे . खासदार प्रताप पाटील चिखलीकर यांचे चिरंजीव प्रवीण पाटील चिखलीकर यांच्या काही दिवसांपासून औरंगाबाद येथील एमजीएम रुग्णालयात उपचार सुरु असून खासदार चिखलीकर हे सुद्धा औरंगाबाद येथेच आहेत . गुरुवारी रात्री खासदार चिखलीकर यांचा स्वब कोरोना पॉझिटीव्ह आला , असून त्यांच्यावर सुद्धा औरंगाबाद येथेच उपचार सुरु आहेत , असे त्यांच्या निकटवर्तीयांकडून सांगण्यात आले .