दिवशी खुर्दच्या सरपंच ग्रामसेवकांकडून किचन बांधकाम दुरुस्तीमध्ये भ्रष्टाचार; चौकशीची मागणी

भोकर - तालुक्यातील दिवशी खुर्द येथे पंधराव्या वित्त आयोग अंतर्गत शालेय किचन बांधकाम रिपेरिंग दुरुस्ती मध्ये अपव्यवहार करण्यात आला असून ग्रामसेवक व सरपंच यांच्यावर कायदेशीर कारवाई करण्यात यावी यासाठी अंबादास तुळशीराम भालेराव यांनी आज(दि.०८नोव्हे) तहसील कार्यालयासमोर आमरण उपोषणास प्रारंभ केला आहे.

सन २०२२- २३ या आर्थिक वर्षामध्ये मौजे दिवशी खुर्द तालुका भोकर येथे किचन रूम बांधकामासाठी पंधराव्या वित्त आयोगाअंतर्गत ०१ लाख १४ हजार ३७७ रुपये चा निधी खर्च करण्यात आला असून सदर निधी अंदाज पत्रकारानुसार खर्च न करता संगणमत करून अत्यंत बोगस व निकृष्ट दर्जाचे, थातुर माथूर काम सरपंच व ग्रामसेवक यांनी बिले उचलून घेतलली आहेत अश्या आशयाची तक्रार सामाजिक कार्यकर्ते अंबादास तुळशीराम भालेराव यांनी दिनांक १९ ऑक्टोबर २०२३ रोजी गटविकास अधिकारी यांच्याकडे केली होती. यावर वरिष्टान कडून कुठलीही कारवाई होत नसल्याने अखेर त्यांनी तहसील कार्यालयासमोर,ग्रामसेवक व सरपंच यांच्या भ्रष्ट कारभाराच्या चौकशीसाठी आमरण उपोषणास प्रारंभ केले आहेत. निवेदनाच्या प्रती मुख्य कार्यकारी नांदेड उपविभागीय अधिकारी भोकर यांना देण्यात आल्या आहेत.