एल.आय.सी. विठ्ठल पन्हाळे यांची सेवापूर्ती

भोकर:-भारतीय जीवन विमा निगम शाखा भोकर चे डेव्हलपमेंट ऑफिसर श्री विठ्ठल पन्हाळे यांच्या 34 वर्षाच्या सेवेचा सेवापुर्ती कृतज्ञता सोहळा उत्साहात पार पडला.

भोकर शाखेचे विकास अधिकारी व्ही . एच. पन्हाळे यांनी 24/10/1989 रोजी एलआयसी शाखा भोकर मध्ये रुजू होऊन ,त्यांनी एल.आय.सी. शाखा भोकर चा आर्थिक स्तर उंचावून त्यांच्या कार्यकाळात 210 एजंटला व्यावसायिक मार्गदर्शन करून त्यांना जीवनाच्या मुख्य प्रवाहात आणत त्यांची आर्थिक उन्नती साधून त्यांचे जीवनमान उंचावले.

त्यांच्या सेवापूर्तीसाठी ग्रामीण भागातील एजंट व त्यांचा चाहता मित्रपरिवार व नातेवाईकनी कार्यक्रमाला उपस्थिती लावली, त्यांच्या प्रदीर्घ कार्याच्या कर्तव्यनिष्ठ कार्याचा गौरव करताना शाखा अधिकारी श्री देशमुख साहेबांनी आपल्या मनोगतातून "श्री पन्हाळे साहेबांची सेवापुर्ती म्हणजे, एल.आय.सी. शाखा भोकरला न भरून निघणारी पोकळी निर्माण झाली"अशी खंत मनोगतातून व्यक्त केली. ह्यावेळी त्यांचे विमा प्रतिनिधी व मित्रपरिवार नातेवाईक, ऑफिस कर्मचाऱ्यांनी आपल्या भावना त्यांच्या मनोगतातून मांडल्या या कार्यक्रमास नांदेडचे विकास अधिकारी ग्रँड साहेब,पुरमवार साहेब, अडकिने, धर्माबाद चे शाखाधिकारी दुबले सर ,ऑफिस कर्मचारी व शंभर विमा प्रतिनिधी आणि विकास अधिकारी, नातेवाईक मित्रपरिवार उपस्थित राहून त्यांचा सापत्नीक सत्कार करण्यात आला.

कार्यक्रमाचे यशस्वीतेसाठी शाखा अधिकारी श्री देशमुख सर,उपशाखा अधिकारी अडमोलवाड सर, व्यंकटराव ढवळे ,आनंदराव ढवळे, सोळंके, भोजराम बागडे, गणेश कोरंटलू ,बालाजी कदम, कासारपल्ले, वरवटे विजय शिंदे आदींनी परिश्रम घेतले.