बिलोली | रामतिर्थ येथील अल्पवयीन बालिकेवर झालेल्या अत्याचार प्रकरणातील प्राचार्य आणि मुख्याध्यापकाला बिलोलीचे जिल्हा न्यायाधीश विक्रमादित्य मांडे यांनी 1 फेबुवारी पर्यंत पोलीस कोठडीत पाठविले आहे .दि . 17 जानेवारी रोजी पोस्को कायद्याअंतर्गत रामतिर्थ पोलीस ठाण्यात दाखल झालेल्या गुन्ह्यात एक प्राचार्य , एक मुख्याध्यापक , दोन शिक्षक आणि महिला पोषण आहार | बनवणारी महिला अशा पाच जणांची नावे आरोपी म्हणून होतील . सुरुवातीला पोलीसांकडे सय्यद रसुल सय्यद महेबुबसाब ( 46 ) या शिक्षकाला अटक झाली . बिलोली न्यायालयाने त्याला 28 जानेवारी पर्यंत पोलीस कोठडीत पाठविले आहे . त्यानंतर काल प्रजासत्ताक दिनी प्राचार्य धनंजय शिवराज शेळके ( 52 ) आणि मुख्याध्यापक प्रदीप धोंडीबा जाधव पाटील ( 46 ) हे दोघे बिलोली पोलीस ठाण्यात हजर झाले . त्यांना काल अटक झाली . या गुन्ह्याचा तपास अहमदपुरच्या पोलीस उपअधिक्षक डॉ . अश्विनी पाटील यांच्याकडे आहे . आज 27 जानेवारी रोजी अश्विनी पाटील , बिलोलीचे । पोलीस निरिक्षक शिवाजी डोईफोडे आणि त्यांच्या इतर सहकाऱ्यांनी धनंजय शेळके आणि प्रदीप पाटील न्यायालयात हजर केले . न्यायालयात सरकारी वकील ऍड . संदीप कुंडलवाडीकर यांनी या दोन्ही आरोपींना पोलीस कोठडी देणे कसे आवश्यक आहे याचे सविस्तर सादरीकरण केले . युक्तीवाद ऐकून न्या . विक्रमादित्य मांडे यांनी शेळके आणि पाटीलला 1 फेबुरवारी 2020 पर्यंत पोलीस कोठडीत पाठविले आहे .
0 comments:
Post a Comment