बिलोली आगारास पावले मल्हारी दहा लाख रुपयांचे उत्पन्न

बिलोली :दक्षिण भारतातील सर्वात मोठी यात्रा म्हणून प्रसिद्ध असलेल्या श्री क्षेत्र माळेगाव येथील मल्हारी म्हाळसाकांत यात्रेनिमित्त बिलोली आगाराचे प्रमुख संजय वाळवे यांच्या मार्गदर्शनाखाली जादा बस सोडण्यात आल्या . या जादा बसमधून आगाराला १० लाख ५९ हजार रुपयांचे उत्पन्न मिळाले . श्रीक्षेत्र माळेगाव यात्रेसाठी बिलोली आगारातून यात्रेला सुरूवात झाल्यापासून ते यात्रा संपेपर्यंत बिलोली बसस्थानक व नरसी बसस्थानकातून जादा बस सोडण्यात आल्या होत्या . माळेगाव यात्रेसाठी सोडण्यात आलेल्या बसच्या २४० फेऱ्यांमध्ये २२ हजार २२९ किलोमीटर अंतराच्या फेऱ्याचे अंतर कापण्यात आले . या संपूर्ण फेऱ्यातून माळेगाव यात्रेच्या माध्यमातून बिलोली आगारासाठी । १० लाख ५९ हजार रुपयांचे उत्पन्न मिळाले आहे . नरसी बसस्थानकात या जादा गाड्यांच्या नियोजनासाठी एच . एम . गुरुपवार व के . एन . पांचाळ या दोन कर्मचाऱ्यांची नियुक्ती करण्यात आली होती . तसेच ए . डी . सुगावकर , एम . व्ही . डाके , जी . जी . सलगरे , आर . के . मलदोडे , एस . जी . गोपणे , एस . एस . जारीकोटकर , बी . एन . परगेवार , एम . पी . तुरटवाड , आर . एन . घाटे , एस . एम . इर्लेवाड , एम . एम . कळसे , आर . बी . ढवळे , एस . टी . ढवळे , एन . एन . सूर्यवंशी , एम . आर . मुळे , आर . एस . गायवेल्हाळ या चालक - वाहकांनी यात्रेत कुठलाही अपघात होणार नाही याची काळजी घेतली , असे बिलोली आगाराचे वाहतूक निरीक्षक खुशाल ओलापाडे यांनी एक्सप्रेस न्यूज लाईव्ह ला बोलताना सांगितले . . .