महाराष्ट्राच्या चित्ररथाला केंद्रात सत्तेत असलेल्या भाजप सरकारने परवानगी नाकारली

 .

 . नवी दिल्ली : मागील अनेक वर्षांपासून दिल्ली या ठिकाणी होत असलेल्या प्रजासत्ताक दिनानिमित्त आयोजित कार्यक्रमात महाराष्ट्राला प्रतिनिधित्व मिळत होत मात्र यावेळी प्रजासत्ताक दिनी राजपथावर होणाऱ्या पथसंचलनात महाराष्ट्राचा चित्ररथ दिसणार नाही . 2016 साली सुद्धा राजपथावरच्या संचलनात महाराष्ट्राचा चित्ररथ नव्हता यानंतर आता तब्बल 3 वर्षांनी पुन्हा एकदा महाराष्ट्राचा चित्ररथ दिसणार नाही गृहमंत्रालय आणि संरक्षण मंत्रालयाने महाराष्ट्राच्या चित्ररथाला परवानगी नाकारली गेल्या काही वर्षांमध्ये महाराष्ट्राचा चित्ररथ अव्वल क्रमांक पटकावत होता . मात्र यावेळी महाराष्ट्रात सत्तापालट झाल्यानंतर भाजपच्या हातून सत्ता निसटली.आणि शिवसेना काँग्रेस , राष्ट्रवादी यांनी महाविकास आघाडी करत सत्ता स्थापन केली यामुळेच महाराष्ट्र राज्याला यावेळी संधी दिली जात नाही असं बोललं जातं आहे . . . 26 जानेवारी 2020 रोजी दिल्लीत इंडिया गेटजवळील राजपथावर होणाऱ्या पथसंचलनाला प्रजासत्ताक दिनानिमित्त राजधानी दरवर्षी निवडक राज्यांच्या । चित्ररथांना पथसंचलनाची संधी मिळते . गेली काही वर्ष महाराष्ट्राचा चित्ररथ पथसंचलनात झळकताना दिसतो . महाराष्ट्राच्या चित्ररथाने 2015 नंतर दोन वेळा प्रथम

क्रमांकही पटकावला आहे . मात्र 2020 मध्ये चित्ररथाला सादरीकरणाची संधीही मिळणार नाही . मराठी रंगभूमीची 175 वर्ष या संकल्पनेवर यंदा महाराष्ट्र चित्ररथ साकारणार होता . महाराष्ट्र सरकारसह 32 राज्यांनी चित्ररथाच्या सादरीकरणासाठी केंद्राकडे अर्ज केले होते . परंतु गहमंत्रालय आणि संरक्षण मंत्रालयाने फक्त 16 राज्य आणि केंद्रशासित प्रदेशांच्या तर सहा मंत्रालयांच्या चित्ररथाला परवानगी दिली आहे . संमती नाकारलेल्या राज्यांमध्ये महाराष्ट्रासह पश्चिम बंगालचा समावेश आहे . महाराष्ट्राच्या चित्ररथाने 2015 मध्ये ' पंढरीची वारी ' , तर 2018 मध्ये शिवराज्याभिषेक सोहळ्याच्या चित्ररथाने अव्वल स्थान पटकावलं होतं . यावेळी राज्यपथावर राज्यसभा खासदार छत्रपती संभाजीराजे सहकुटुंब उपस्थित होते . महाराष्ट्राचा चित्ररथ येताच संभाजीराजे उभे राहिले आणि त्यांनी जय भवानी , जय शिवाजीच्या घोषणा दिल्या . दरम्यान , राजपथावर 14 राज्यांसह केंद्र सरकारच्या 7 खात्यांचे आणि भारत - आशियान राष्ट्रांचे संबंध दाखवणारे 2 चित्ररथ असे एकूण 23 चित्ररथ 2018 मध्ये सादर करण्यात आले होते .