रामतीर्थ अल्पवयीन बालिकेवर अत्याचाराच्या आरोपातील एक शिक्षक स्थागुशाच्या ताब्यात

नांदेड | एका अल्पवयीन निरागस बालिकेवर अत्याचार करणाऱ्या आरोपातील 4 शिक्षकांपैकी एकाला स्थानिक गुन्हा शाखेचे पोलीस निरिक्षक द्वारकादास चिखलीकर यांनी लातूर जिल्ह्यातून ताब्यात घेतले आहे .17 जानेवारी रोजी एका आईच्या तक्रारीवरुन तिच्या सहावी वर्गात शिकणाऱ्या 11 वर्षीय निरागस बालिकेवर एक - दिड महिन्यापुर्वी शाळेतच अत्याचार झाल्याची तक्रार दिली . त्या बालिकेवर नांदेडच्या एका खाजगी रुग्णालयात उपचार सुरू होता पण 17 जानेवारीला याबाबतची तक्रार दिल्यानंतर या प्रकरणाला गुन्ह्याचे स्वरुप प्राप्त झाले . गुन्हा दाखल होताच तक्रारीत असलेल्या नावातील प्राथमिक शाळेचे मुख्याध्यापक बी . आर . शेळके , प्राचार्य पी . डी . पाटील , शिक्षक सय्यद रसूल ,  बी . आर . राजूळे यांच्यासह रामतिर्थच्या श्री साईबाबा प्राथमिक विद्यालयात पोषण आहार तयार करणारी महिला गायब झाली गुन्हा हा अल्पवयीन बालिकेसंदर्भाने असल्याने त्याचे पडसाद शहरासह जिल्ह्यात वेगवेळ्या ठिकाणी उमटत होते . आज युवा पँथरने जिल्हाधिकारी कार्यालयासमक्ष धरणे आंदोलन केले . बिलोली शहर सुध्दा आज बंद ठेवण्यात आले होते उमरी बंद होते .17 जानेवारी रोजी गुन्ह्याचे गांभीर्य पाहून पोलीस अधिक्षक विजयकुमार मगर , अपर पोलीस अधिक्षक विजय पवार आणि दत्ताराम राठोड यांच्या मार्गदर्शनात या फरार आरोपींना शोधण्याची सुरुवात झाली . या गुन्ह्याचा तपास बिलोलीचे पोलीस उपअधिक्षक डॉ . सिध्देश्वर धुमाळ यांच्याकडे आहे . स्थानिक गुन्हा शाखेतील एका पथकाचे नेतृत्व करत पोलीस निरिक्षक द्वारकादास चिखलीकर यांनी अहमदपूर , उदगीर , औसा , निलंगा आणि लातूर या भागात धावपळ केली आणि आज चिखलीकरच्या पथकाने सय्यद रसूल मेहबुब ( 44 ) या प्राथमिक शिक्षकाला ताब्यात घेतले आहे . सायंकाळी 6 वाजेपर्यंत ते नांदेडला पोहचतील अशी अपेक्षा आहे . त्यानंतर पुढील कार्यवाहीसाठी शेख रसुलला डॉ . सिध्देश्वर धुमाळ यांच्या ताब्यात देण्यात येईल आणि त्यानंतर त्यांच्या अटकेची प्रक्रिया पुर्ण होईल . बहुदा उद्या दि . 23 जानेवारी रोजी पकडलेल्या शिक्षकाला डॉ . सिध्देश्वर धुमाळ न्यायालयात हजर करतील आणि तपासासाठी पोलीस कोठडी मागतील असे चित्र आहे .