अंत्यविधीला गेले अन् पॉझिटिव्ह झाले!

मुखेड:-अंत्यविधीला गेलेले मुखेड येथील १३ जण पॉझिटिव्ह आढळल्याने नांदेड जिल्ह्यात खळबळ उडाली आहे. या रुग्णांच्या संपर्कात आलेल्या आमदारांसह अनेक लोकांना क्वारंटाईन होण्याची वेळआली असून काही संशयितांचा अहवाल अद्याप अनिर्णित असल्याने त्यांच्या अहवालाकडे लक्ष लागले आहे.मागील आठवड्यात मुखेडच्या एकाच कुटुंबातील दोन जण बाधित असल्याचे समोर आल्यानंतर त्यांच्या संपर्कातील शंभराहून अधिक जणांचे नमुने तपासणीसाठी घेतले होते. त्यात आधी पाच आणि नंतर

सहा जणांचे पॉझिटिव्ह आले. यात मुखेड येथील राजकीय पक्षाच्या एका डॉक्टर आणि व्यापाऱ्याचा समावेश होता. हे सर्व जण मुखेड येथील एका

अंत्यविधीसाठी गेले होते. आता या १३ जणांच्या संपर्कात आलेल्या व्यक्तीचे स्वब घेणे सुरू झाले असून ५४ आणि २५ जणांचे स्वब वेगवेगळ्या टप्प्यात तपासणीसाठी पाठविल्याचे सांगितले जाते.

जिल्ह्यातील एका आमदाराचा स्वब देखील तपासणीसाठी घेतला असता त्यांच्यासह मुखेड येथील बऱ्याच राजकीय मंडळींना क्वारंटाईन होण्याची

वेळ आली आहे. मुखेड येथील ८० नमुने प्रलंबित असल्याचे समजते.