दोन रुग्णांचा स्वॅब पुन्हा पॉझिटीव्ह

नांदेड:- यापूर्वी कोरोना पॉझिटीव्ह आलेल्या दोन रुग्णांचा दुसरा अहवाल सुद्धा पुन्हा पॉझिटीव्ह आला आहे. तर दिवसभराच्या काळात नवीन एक रुग्ण कोरोना पॉझिटीव्ह आला आहे.त्यामुळे जिल्ह्यातील कोरोनाच्या रुग्णांची संख्या 190 झाली आहे.

जिल्ह्यातील 75 अहवाल प्राप्त झाले आहेत. यामध्ये 59 अहवाल निगेटीव्ह, 12 अहवाल नाकारण्यात आले. एक अहवाल अनिर्णित तर 3 अहवाल कोरोना पॉझिटीव्ह आले आहेत. यामध्ये फे र तपासणीमध्ये एका 23 व 80 वर्षांच्या इसमांचा दुसरा अहवाल सुद्धा कोरोना पॉझिटीव्ह आढळून आला. तर इतवारा येथील हनुमान टेकडी परिसरातील एक रुग्णाचा अहवाल पॉझिटीव्ह आला आहे.

जिल्ह्यातील रुग्णांची संख्या 190 झाली. आतापर्यंत 126 जणांना डिस्चार्ज देण्यात आला. 56 जणांवर उपचार सुरु आहेत, तर आठ जणांचा यापूर्वी कोरोनाच्या आजारामुळे मृत्यू झाला आहे. जिल्हयात कोरोनाच्या संसर्गामुळे चार रुग्णांची प्रकृती गंभीर अ आहे. यामध्ये दोन महिला ज्याचे वय. 52 व 65 तसेच दोन पुरुषांचे वय हे 38 व 65 इतके आहे.