जिल्हा कॉग्रेस कमिटीच्या वतीने पेट्रोल डिझेल च्या दर वाडीमुळे केंद्र शासनाविरुध्द ठिय्या आंदोलन

नांदेड | लॉकडाऊनच्या काळात पेट्रोल डिझेलच्या किंमतीत वाढ करून देशाच्या जनतेचा खिसा रिकामा करणाऱ्या केंद्र शासनाविरुध्द आज कॉग्रेस पक्षाने ठिय्या आंदोलन करून या बाबतचे निविदेन जिल्हाधिकारी डॉ.विपीन यांना दिले आहे . या आंदोलनाचे नेतृत्व राज्याचे सार्वजनिक बांधकाम विभाग मंत्री तथा जिल्ह्याचे पालकमंत्री अशोक चव्हाण यांनी केले .मागील काही दिवसांमध्ये पेट्रोल आणि डिझेल या इंधनांच्या किंमतीत सतत वाढ होत आहे . या विरोधात आज देशभर कॉग्रेसने सर्वच जिल्हाधिकारी कार्यालयासमक्ष ठिय्या आंदोलन केले . यातील एक भाग नांदेड जिल्हाधिकारी कार्यालयासमक्ष ठिय्या आंदोलनाच्या रुपात घडला . या आंदोलनाचे नेतृत्व पालकमंत्री अशोक चव्हाण यांनी केले . मागील चार महिन्यापासून जनतेला त्रास सरू आहे . एकीकडे कोरोना विषाणुच्या धास्तीने जगणाऱ्या जनतेच्या खिशातून अतिरिक्त पैसे काढण्याचा बेत केंद्र सरकारने पेट्रोल आणि डिझेलच्या किंमतीमध्ये वाढ करून केला आहे . कोरोना काळात जनतेच्या नोकऱ्या गेल्या , काम धंदा बंद झाला . उत्पन्न नाही आणि अशा वेळी अनावश्यक दर वाढ करून केंद्र शासन जनतेला छळत असल्याचे अशोक चव्हाण यांनी सांगितले . या ठिय्या आंदोलनामध्ये आ.अमर राजूरकर , माजी मंत्री डी.पी.सावंत , जि.प.अध्यक्षा मंगाराणी अंबुलगेकर , दिलीपा पाटील बेटमोगरेकरे , अमित तेहरा , विजय येवनकर , संजय देशमुख , लहानकर , प्रफुल्ल सावंत , सुभाष रायबोळे यांच्यासह असंख्य कॉग्रेस कार्यकर्ते , महिला पुरूष सहभागी झाले . यानंतर आपल्या आंदोलनाच्या संदर्भाचे निवेदन कॉंग्रेस कार्यकर्त्यांनी जिल्हाधिकारी डॉ.विपीन यांना दिले .