तेलगंणा राज्यातून कुंडलवाडीत आलेल्या चार जणांवर गुन्हा दाखल

कुंडलवाडी | कोरोना विषाणूच्या प्रादुर्भाव वाढत चालल्यामुळे देशात ३ मे पर्यंत लाँकडाऊनमध्ये वाढ करण्यात आली आहे . महाराष्ट्र - तेलगंणा सीमावर्ती भागात तेलगंणा राज्यातील गावात कोरोना विषाणूचे रूग्ण पॉझिटिव्ह आढळल्याने महाराष्ट्रातील तेलगंणा त अडकलेले नागरिक महाराष्ट्रात शेतातुन , नदीपात्रातुन , पायीवाटेन दिवस रात्र येत आहेत . तेलगंणातुन कुंडलवाडी शहरात आलेले ४ जणांना कुंडलवाडी पोलीसांनी दि . १५ एप्रिल रोजी ताब्यात घेतले असून त्यांची वैद्यकीय तपासणी करून होम क्वांरनटाईन केले आहे .कुंडलवाडी शहरासह बिलोली तालुका हा तेलगंणा च्या सीमेवर आहे . कोरोना विषाणू चे पॉझिटिव्ह रूग्ण तेलंगणातील निझामाबाद जिल्ह्यात आढळून आले . त्यामुळे महाराष्ट्रातून तेलगंणात गेलेले नागरिक घाबरून घराकडे येण्यासाठी पायी चालून येत आहेत . दि . १५ एप्रिल रोजी सांयकाळच्या सुमारास तेलंगणा राज्यातून चार जण तेलगंणातील बोधन येथील पाहूण्यांना भेटून नागणी पर्यंत पायी येऊन नागणीहून एम . एच . २६ बीके ८८६० या वाहनातून येऊन कुंडलवाडी शहरातील चुंगी नाका येथे आले असता बिलोलीचे नायब तहसीलदार रघूनाथसिंह चौहान , कुंडलवाडी पोलीस स्टेशनचे सहाय्यक पोलीस निरीक्षक सुरेश मान्टे , पोलीस उपनिरीक्षक विशाल सुर्यवंशी यांनी सदरील वाहनास थांबवून चौकशी केली असता त्यात ४ जण तोंडाला रूमाल न बांधता प्रवास करीत असलेले आढळले . अधीकची चौकशी केली असता ते तेलगंणातुन आल्याची माहिती समोर आली . त्यावरून उपरोक्त चार जणांची बिलोली येथील ग्रामीण रूग्णालयात वैद्यकीय तपासणी करण्यात आली . व त्यांना सीआरपीसी कलम ४९ ( अ ) प्रमाणे नोटीस देऊन त्यांच्या हातावर होम क्वांरनटाईन चे शिक्के मारून घरी राहण्यास सांगण्यात आले आहे . संचारबंदी व जमावबंदी चे उल्लंघन केल्याप्रकरणी नगरपरिषदेचे कर्मचारी धोंडीबा वाघमारे यांनी दिलेल्या फिर्यादीवरून उपरोक्त चार जणांविरुद्ध १८९७साथरोग प्रतिबंधात्मक कायदा कलम १८८ , २६९ , ३४ भादवि प्रमाणे गुन्हा दाखल केला असून पुढील तपास सपोनि सुरेश मांटे यांच्या मार्गदर्शनाखाली एस . आय . इंगळे हे करीत आहेत .