अफवा पसरवु नका अन्यथा कारवाई करू: डॉ विपीन इटनकर

नांदेड | नागरिकांना चुकीचे संदेश पाठवून गैरसमज पसरवू नका अन्यथा गुन्हे दखल करू असा इशारा जिल्हाधिकारी डॉ विपीन यांनी दिला आहे . कोरोना बाधित रुग्ण आढळून आलेल्या पिरबुर्हान नगर भागात आज जिल्हाधिकारी डॉ विपीन , पोलीस अधीक्षक मगर , म . न . पा . आयुक्त लहाने यांनी भेट देऊन त्या परिसरातील बंदोबस्ताची पाहणी केली . त्या नंतर नागरिकांनी घाबरून जाऊ नये तसेच अफवा पसरवू नये असे आवाहन डॉ विपीन यांनी केले आहे . पीरबुहान परिसरात पूर्ण नाकाबंदी करण्यात आली आहे तसेच कोरोना बाधित रुग्णाच्या संपर्कातील सर्वाना विलगीकरण कक्षात ठेवण्यात आले आहे , त्या मुळे इतर नागरिकांनी घाबरून जाऊ नये संयम पाळावा असे आवाहन ही डॉ विपीन यांनी केले आहे . सामाजिक माध्यमातून अनेक अफवा पसरवल्या जात असल्याच्या तक्रारी येत आहेत . हा प्रकार थांबवा अन्यथा सायबर सेल कडून गुन्हे दखल करण्यात येतील असा इशाराही त्यांनी दिला आहे .