बिलोलीत वादळी वाऱ्यासह गारांचा पाऊस

बिलोली : शहरासह तालुक्यातील अनेक ठिकाणी सोमवारी संध्याकाळी 9 च्या सुमारास बिलोली शहरासह परिसरातील गावांमध्ये वादळी वाऱ्यासह जोरदार पाऊस झाला , तर काही गावात गाराही पडल्याची माहिती समोर आली आहे . या वादळी वाऱ्यासह पडलेल्या पावसामुळे घरांचे ही नुकसान झाले आहे . मागील तीन ते चार दिवसापासून  तापमानात वाढ झाले होते एवढेच नव्हे तर सकाळी गारवा दुपारी कडकडून ऊन आणि रात्री पाऊस असा काही सांगा बिलोली शहरासह  काही गावांनी अनुभवला मात्र सोमवारी संध्याकाळी 9 च्या सुमारास  तालुक्यातील काही भागात मुसळधार पावसाने हजेरी लावली .शहरातील देशमुख नगर,गांधी नगर,फारूखी गल्ली, परिसरातील गावांमध्ये मुसळधार पावसाने अनेकांच्या घरांचे नुकसान केले व विजेचे खांब तुटून पडले आहेत .दरम्यान सोमवारी सायंकाळी 8  वाजल्यापासूनच शहरात जोरदार वारे वाहू लागले होते त्यामुळे बिलोलीकरांनी पाऊस येणार असा अंदाज बांधला होता . ९ च्या सुमारास पावसाने हजेरी लावली आणि बिलोलीकरांचा अंदाज खरा ठरविला .