नांदेडच्या त्या कोरोना निगेटीव्ह झालेल्या इसमाचा मृत्यू

उपजिल्हाधिकारी डॉ सचिन खल्लाळ यांची माहिती

 नांदेड दि 30 |  जिल्ह्यात पहिला कोरोनबाधित रुग्ण म्हणून नोंद झालेल्या त्या 64 वर्षीय इसमाचा गुरुवार दि. 30 एप्रिल रोजी उपचारादरम्यान मृत्यू झाला, असून चार दिवसांपूर्वी या इसमाचे कोरोना संसर्गाचे अहवाल निगेटीव्ह आले होते. मृत्यूच्या बातमीस प्रशासनाने दुजोरा दिला आहे.शहरातील पीरबुर्‍हाण नगर भागात राहणार्‍या एका 64 वर्षीस इसमास दि. 22 एप्रिल रोजी कोरोनाचे लक्षण आढळून आल्यानंतर जिल्ह्यात मोठी खळबळ उडाली होती. प्रशासनाने पीरबुर्‍हाण भागास सील करून तपासणी मोहीम युद्धपातळीवर राबविण्यात आले होते.मागच्या तीन ते चार दिवसांपूर्वी या रुग्णाचे दुसरा अहवाल निगेटीव्हा आला होता. परंतु उपचार सुरुच होत. तिसरा अहवाल 5 ते 6 मे रोजी येणार होता. परंतु त्यापूर्वीच त्या इसमाचा मृत्यू झाला आहे. या वृत्तास निवासी उपजिल्हाधिकारी डॉ. सचिन खल्लाळ व डॉ. राजेश चव्हाण यांनी दुजोरा दिला आहे. नांदेडमध्ये कोरोनाच्या रुग्णांची संख्या तीन असून पहिल्या कोरोनाग्रस्त रुग्णाचा मृत्यू झाला, असून दोन रुग्णांवर शासकीय वैद्यकीय महाविद्यालयात उपचार सुरु आहेत. यामध्ये सेलू येथील एका महिलेचा समावेश आहे. तर एक रुग्ण अबचल नगर येथील आहे.