कोरोनाच्या सावटाखालील खानापुरातील लग्नाची अशीही गोष्ट . . . !

देगलूर:संपूर्ण जगाला कोरोना महामारी ने ग्रासले असताना भारतीय विवाह संस्कृतीला हा विषाणू धक्का लावू शकला नाही सोशल डिस्टन्सची लक्ष्मण रेषा पाळत काढलेला मुहुर्त ,ठरलेली वेळ , यानुसार ही कन्यादान करता येते हे खानापुरातील एका लग्नाच्या गोष्टीवरून दिसून आले . जल्लोषात लग्न करता येणार नसल्याने काही काळ हिरमोड ही झाला , लग्नावर होणारा खर्च टाकल्याने त्यातुन बचत झालेल्या रकमेतून गरजूंना मदत करण्याचा निर्णय घेत इंगळे व हिवराळे परिवाराने सामाजिकतेचे भान जपत कोरोनाच्या सावटाखालील लग्नाच्या निमित्ताने कोरोना विरोधी लढण्याचा निर्धारही बोलून दाखविला.खानापूर ग्राम पंचायतीचे सदस्य माधवराव इंगळे यांची एकुलती एक कन्या पूजा चा वाढनिशचय मुखेड तालुका जांभळी येथील आनंदराव हिरवाळे यांच्या गणेश या मुलांशी कोरोना ची चाहूल जगाला लागण्यापूर्वीच झाला होता .दिनांक १५ रोजी दुपारी बारा - एक वाजता विवाहाचा मुहूर्त ही त्यावेळीच ठरविला गेला होता . मुहूर्ताची घटिका भरण्यापूर्वीच कोरोना चे आक्रमक वाढत गेले पंतप्रधानांनी जाहीर केलेला लाकडाऊन संपल्यानंतर विवाह मुहुर्त असल्याने वर वधूचे पिता निधारस होते . इकडे विवाहाच्या पत्रिका व इतर तयारीसाठी खानापुरच्या जगदंब ग्रुप ,देवा ग्रुप ,बसवा ग्रुप , कृष्णा मित्रमंडळाने सोशल नेटवर्किंगच्या माध्यमातून सोशल डिस्टन्स पाळत लग्नाची जय्यत तयारीही चालवली होती मात्र वरचेवर कोरोनाचे संकट गडद व्हायला लागल्याने पंतप्रधानांनी लाकडाऊन ची मुदत तीन मे पर्यंत वाढवली . वधुपित्याने ग्रामस्तरीय कोरोना समितीच्या समन्वयातन ठरलेल्या मुहूर्तालाच शासनाच्या नियमांचे पालन करीत कन्यादान करण्याचा निर्णय घेतला . बुधवार १५ रोजी पुजा व गणेश हे अवघ्या अकरा वराडाच्या उपस्थितीत घरातील तुळशी वृंदावनाच्या साक्षीने विवाहबुध्द होत . . . गो कोरोना . . . . कोरोना गो . . . असा संदेशही दिला वरासह आलेले माता - पिता व मामानी वधु परिवारा । कडील आदरतीर्थ स्वीकारीत आलेल्या वाहनांसह लागलीच जांभळी ता मुखेड कडे रवानाही झाले . यावेळी अभियांत्रिकीचे शिक्षण घेत असलेला वधूचा भाऊ अभिजीतने लावलेली वहिण निघाली सासरला ही धन ऐकताच उपस्थितीताचा डोळ्याच्या कडा ओलावल्या . . . कोरोनाच्या पार्श्वभूमीवर , अनावश्यक खर्च टाळून , प्रशासनाने दिलेल्या नियमांचे पालन करीत एकुलत्या एक कन्येचे कन्यादान केले . या महामारी संकटामुळे अनेका पुढे अनेक प्रश्न , उभे टाकले आहेत . मी माझ्या परीने यामध्ये खारीचा वाटा उचलण्याचे मनोमन माध्यमांशी संवाद साधताना सांगितले . . 

                                          .. प्रतिनिधी गंगाधर भोयावार