बिलोलीतील गळा दाबून खुन प्रकरणी चौघा विरुद्ध गुन्हा दाखल

बिलोली : शहरातील छोटीगल्ली येथील १४ वर्षीय मुलीचा गळा दाबून खून करणाऱ्या चार आरोपींविरुद्ध पोलिसांनी बुधवारी रात्री उशिरा खुनाचा गुन्हा नोंदविला . २० जुलै रोजी सायंकाळी ५ वाजेच्या दरम्यान ही घटना घडली होती . पोलिसांनी या घटनेचा सखोल तपास केला . त्यासाठी दोन दिवस घेतले . अखेर बुधवारी रात्री सहाय्यक पोलीस निरीक्षक वाडेकर यांनी याप्रकरणी फिर्याद दिली . त्यानुसार आरोपी आफजल शाह , मौला शाह , बुरान शाह , हानिफाबी सय्यद यांच्याविरुद्ध गुन्हा दाखल करण्यात आला आहे . नगमा गौस सय्यद असे मयत मुलीचे नाव असून ती १४ वर्षांची होती . १३ वर्षांपूर्वी तिला तिच्या आईने सोडून दिले होते . त्यावेळी तिने मामाकडे जाण्याऐवजी वडील , काका , : आजी , आजोबाकडे राहण्याचा निर्णय घेतला . हा निर्णय तिला महागात पडला . नगमाला मागील २ वर्षांपासून विविध कारणांनी शिवीगाळ करणे , लाकडाने मारहाण करणे , हाताला गरम चटके देणे , तिच्यावर अत्याचार करणे असे विविध प्रकार सुरु होते . शेवटी या घटनांचा परिणाम खुनात झाला . आरोपींनी २० जुलै रोजी नगमाला जबर मारहाण करुन तिचा खून केल्याचा आरोप आहे . घटनेनंतर चौघांना पोलिसांनी ताब्यात घेतले . उर्वरित पळून गेले . याप्रकरणी शेजारी राहणारे फिर्यादी बनले व त्यांनी घटनेची माहिती पोलिसांना दिली . अधिक तपास पोलीस निरीक्षक शिवाजी डोईफोडे हे करीत आहेत .