भाजपचे स्विकृत नगरसेवकास अटक

बिलोली: तालुक्यातील कुंडलवाडी नगरपरिषदेचे भाजपचे स्विकृत नगरसेवकाने बनावेट कागदपत्रे तयार करून पद लाटल्याप्रकरणी गुन्हा नोंद असलेल्या पंढरी लिंगन्ना पुपलवार यास 26 जुलै रोजी रात्री अटक करण्यात आली. अशी माहिती सहायक पोलीस निरीक्षक सुरेश मांटे यांनी दिली.आरोपी पंढरी पुपलवार याने पद मिळविण्यासाठी एका सेवाभावी संस्थेचे बनावट दस्तावेज सादर केले होते. या प्रकरणी कुंडलवाडी पोलीस स्टेशनमध्ये 4 जुलै रोजी गुन्हा दाखल झाला होता. या प्रकरणी आरोपी पंढरी पुपलवार यास 26 जुलै रोजी रात्री अटक करण्यात आले. पंढरी लिंगन्ना पुपलवार यांनी नामनिर्देशन निवडणुकीवेळी नागपूर येथील विश्वभुषण युवक कल्याण सेवा व सांस्कृतिक संस्था भगवाननगर, नागपूर यांचे सहसचिव म्हणून बनावट दस्तावेज सादर केला होता. त्या आधारे स्विकृत नगरसेवकपदाचा लाभ घेतला होता. या प्रकरणात भाजपचे नगरसेवक सुरेश कोंडावार यांनी तक्रार केली होती. यावरून दि.4 जुलै 2020 आरोपी पंढरी लिंगन्ना पुपलवार याच्याविरुद्ध कलम 420,467,468,471 अन्वये गुन्हा दाखलझाला होता.