मुलगा झाल्याच्या आनंदात वाटले पेढे ... अन् तो निघाला कोरोना पॉझिटिव्ह ... !

कंधार: तालुक्यातील काटकळंबा गावात तरुणाचा करोना रिपोर्ट पॉझिटिव्ह आला आसल्याने खळबळ निर्माण झाली होती . विशेष बाब म्हणजे या व्यक्तिने मुलगा झाला असल्याने गावातील नागरिकांना आंनदाच्या भरात पेढे वाटप केले . या घटने नंतर बाधिताच्या हातुन पेढे खाणाऱ्या , संपर्कात आलेल्या ११६ जणांना क्वारंटाईन करण्यात आले असल्याचि माहीती दि . ८ बुधवारी प्राथमिक आरोग्य केंद्र बारुळचे वैद्यकीय अधिकारी डॉ . योगेश दुल्लेवाड यांनी दिली . औरंगाबाद येथून चार जुलैला मुलगा झाला म्हणून मुलाला पाहण्यासाठी आलेला वडीलच कोरोनाबाधित असल्याचं समोर आल्या नंतर काटकळंबावासियांची झोप उडाली आहे . हा तरुण औरंगाबाद येथील एका कंपनीत काम करणारा विवाहित तरूण आहे , दिनांक ४ जुलैला आपल्याला मुलगा झाला म्हणून पाहण्यासाठी गावाकडं आला होता . तोच आता कोरोनाबाधित आढळला आहे . काटकळंबा तालुका कंधार येथे एक रुग्ण कोरोना बाधित निघाला त्याचे ( वय २४ वर्ष ) बाधित आढळल्याने काटकळंबा वाशी या सह परिसरात खळबळ उडाली प्रशासकीय यंत्रणेने आता खबरदारीची उपाय म्हणून परिसर सील केला आहे गावात आरोग्य कर्मचाऱ्यांची टीम व पोलीस , सरपंच पोलिस पाटील , तंटामुक्ती अध्यक्षासह सामाजिक टीमचा राबता वाढला आहे . न्हाव्याकडे संपर्क झाल्यामुळे नऊ जणाला कंधार येथे स्वबसाठी हालविण्यात आले आहे . रुग्णांच्या घराचा परिसर कंटेंन्मेट झोन सील करण्यात आला आहे . तर ग्रामपंचायत कार्यालयाकडून गावामध्ये निर्जंतुकीकरण करण्याचे काम तातडीने चालू केले आहे . गावात भीतीचं वातावरण पसरू नये यासाठी जनजागृती करण्यात येत आहे . नागरिकांनी घाबरून जाऊ नये , आरोग्य यंत्रणाही तत्पर आहे . बाहेर गावावरून आलेल्या नागरिकांनी आरोग्य तपासणी करून घ्यावी , अफवेवर विश्वास ठेऊ नये . तातडीचे काम असेल तरच घराबाहेर निघावे . मास्क व सॅनिटायझरचा वापर करावा , सोशल डिस्टन्स पाळावे , असे आवाहन डॉ . योगेश दुल्लेवाड वैद्यकीय अधिकारी , प्रा.आ.केद्र बारुळ यांनी केले आहे .