नांदेडमध्ये काँग्रेसच्या चौथ्या आमदाराला कोरोना

 नांदेड : नांदेडमध्ये आणखी एका आमदाराला कोरोनाची लागण झाली आहे . हदगाव विधानसभा मतदारसंघातील काँग्रेसचे आमदार # माधवराव जवळगावकर कोरोना पॉझिटिव्ह आढळले आहेत . तर नांदेडमधून विधान परिषदेवरील काँग्रेस आमदार अमरनाथ राजूरकर यांच्यावरही उपचार सुरु आहेत . जवळगावकर यांच्यावर नांदेडमधील खाजगी रुग्णालयात उपचार करण्यात येत आहेत . मात्र पुढील उपचारासाठी त्यांना मुंबईला नेले जाणार आहे . माधवराव जवळगावकर हे नांदेड जिल्ह्यातील चौथे कोरोनाबाधित आमदार ठरले आहेत . 

याआधी काँग्रेसच्याच तीन आमदारांना कोरोनाची लागण झाली होती . कोरोना पॉझिटिव्ह आलेले काँग्रेसचे दिग्गज नेते आणि ठाकरे सरकारमधील सार्वजनिक बांधकाम मंत्री अशोक चव्हाण तसेच मोहन हंबर्डे यांनी कोरोनावर मात केली आहे . तर विधान परिषदेवरील आमदार अमरनाथ राजूरकर यांच्यावरही मुंबईतच उपचार सुरु आहेत .