सतराशे जण ठरले ऑनलाईन लाभार्थी

नांदेड:- नांदेड जिल्ह्यात काही अटी व शर्तीच्या अधीन राहून शनिवारपासून घरपोच विदेशी दारू सुरू करण्यात आली.यामध्ये 1900 जणांनी अर्ज केला.त्यापैकी 1700 जणांना घरपोच दारू देण्यात आल्याचे राज्य उत्पादन शुक्ल विभागाचे अधीक्षक निलेश सांगडे यांनी दिली.मागच्या काही दिवसांपासून जिल्ह्यात दारू विक्री सुरू होणार असल्याची चर्चा होती. मात्र जिल्हाधिकारी डॉ.विपीन इटनकर यांच्याकडून हिरवाकंदील मिळू शकला नव्हता.परंतु जनतेमधून दारू सुरू करण्यात यावा,यासाठी वाढत असलेला रेटा पाहता.अखेर शुक्रवारी डॉ.इटनकर यांनी दारू विक्री करण्यास अटी व शर्ती लावत मंजूरी दिली.नांदेड जिल्हयात 250 बिअर शॉपी व 19 वाईन शॉप आहेत. ज्या भागात कंटेन्मेंट झोन आहे,असे भाग वगळून दारू विक्रीस मान्यता देताना फक्त ऑनलाईन मागणीनुसार पुरवठा करण्यात आला. यासाठी दुकानाच्या बाहेर मोबाईल नंबर देण्यात आला होता.मागणी केल्यानंतर घरपोच सेवा देण्यात आली,यासाठी दुकानदारांनी डिलिव्हरी बॉय नेमले होते.मात्र मागणी ऑनलाईन असल्याने मोजक्याच ग्राहकांना दारूचा लाभ मिळू शकला.सरसकट दारूची विक्री दारू दुकानावर करण्यात यावी,अशी ग्राहकांची मागणी आहे.दोन महिन्यांच्या अंतराने ग्राहकांना अधिकृतपणे दारू विकत मिळाल्याने आनंद पारावर चढला होता. यातून शासनाला उत्पादन ही मिळाले आहे.परंतु नियम घालून दुकानावर दारू मिळाल्यास शासनाला चांगले उत्पादन मिळू शकते,असे दारू विक्रते यांचे म्हणणे आहे.त्यामुळे जिल्हाधिकारी डॉ.इटनकर हे काय निर्णय घेतात,याकडे ही लक्ष लागले आहे.