मुखेड तालुक्यात पतीने चिरला पत्नी-मुलाचा गळा

मुखेड:– एका दारूडया पतीने दारूच्या नशेत पत्नी व एक वर्षाच्या लेकराच गळा चिरून निर्घून खून केला. ही खळबळजनक घटना मंडलापुर येथे बुधवार दि.27 मे रोजी सकाळी दहाच्या सुमारास घडली.मिळालेल्या माहितीनुसार आरोपी तानाजी भुताळे (30) हा मुळचा देगलूर तालुक्यातील येडूर या गावचा रहिवासी असून मागच्या दोन महिन्यांपासून तो सासरवाडी असलेल्या मुखेड तालुक्यातील मंडलापूर येथे राहत होता. सतत दारू पिऊन राहत असल्याने मयत महिला वैशाली तानाजी भुताळे (23) व एका वर्षाचा मुलगा आदेश यांना घेऊन माहेरी आली. त्यांच्यासोबत तानाजी भुताळे हा सुद्धा मंडलापुर येथे दोन महिन्यांपासून वास्तव्य करत होता. मात्र येडूर येथे जाण्यास सतत तो तगादा लावत. परंतु त्याचे दारूचे वेसन सुटत नव्हते. त्यामुळे तानाती भुताळे याचे सासरे केरबा कांबळे यांनी सासरी घेऊन जाण्यास नकार दिला.सदरचा राग मनात धरून बुधवारी सकाळी सासू व सासरे हे शेतात जाताच तानाजी भुताळे याने पत्नी व एक वर्षाच्या मुलगा यांच्या गळयावर धारदार शस्त्राने वार करत ठार मारले. मोठा गोंधळ उडाल्याने काही लोक हे घटनास्थळाकडे धउवले असता, मारेकरी तानाजी भुताळे हातात शस्त्र घेऊन पळून जात असताना गावातील श्रावण नरबागे व राजू पाटील यांनी पाहिले, त्याचा पाठलाग करून तानाजी भुताळे यास झाडाला बांधले ठेवले. त्यानंतर पोलिसांना माहिती दिली. मुखेड पोलिस तात्काळ घटनास्थळी दाखल झाले. पंचनामा करून आई व मुलाचे पार्थिव ग्रामीण रुग्णालयात शेवविच्छेदनासाठी पाठविले. या प्रकरणी मुखेड पोलिस ठाण्यात गुन्हा नोंद करण्याची प्रक्रिया सुरु असल्याचे उपविभागीय पोलिस अधिकारी रमेश सरोदे यांनी दिली.

सूचनाः यासंबंधी सविस्तर वृत्त थोडया वेळात