सलुन उघडणार पण;ग्राहकांना हे साहित्य घेऊन जावे लागणार

नांदेड:– लांबचलक वाढलेली दाडी, लांब-लांब झालेली केसांमुळे होणार्‍या त्रासापासून लोकांची सुटका होणार आहे. जिल्हाधिकारी डॉ. विपीन इटनकर यांनी केस कर्तनालय दुकाने घडण्यास मुभा दिली आहे. मात्र ग्राहकांना दुकानात जाताना घरून टॉवेल व नॅपकीन घेऊन जावी लागणार आहे.कोरोनामुळे कराव्या लागलेल्या टाळेबंदीचा एक-एक नियम सैल केला जात आहे. यापूर्वी काही दुकाने उघडण्याचे आदेश दिले आहेत.त्यानुसार बाजारपेठ दोन महिन्याच्या कालावधीनंतर गजबजू लागली आहे. दि. 22 मे रोजी केश कर्तनालय/स्पा सलुनची दुकाने सुरु ठेवण्यात आदेशित करण्यात आले आहे. मात्र दुकानाबाहेर फ लकावर घरून टॉवेल व नॅपकीन घेऊन यावी, असे लिहावे तसेच टॉवेल व नॅपकीन आणण्याशिवाय आत प्रवेश देऊन नये, दुकानातील बैठक व्यवस्था व औजारांचे निर्जतुकीकरण करावे,चार पेक्षा जास्त ग्राहक दुकानात नसावे.सेवा देणारा व घेणार यांच्या व्यतरिक्त इतरांमध्ये तीन फुटांपेक्षा जवळचे अंतर नसावे, केस कर्तनालय केल्यानंतर खुर्चीचे निर्जतुकीकरण करावे, मास्क किंवा रुमाल नाका-तोंडाला बांधून ठेवावे, तसेच हॅण्डवॉस ही ठेवणे बंधनकारक ठरणार आहे आदी आदी व नियमांना अधिन राहून दुकाने चालू ठेवता येणार असल्याचे प्रशासनाकडून सांगण्यात आले आहे.