आई आणि मुलगा झाले कोरोनामुक्त

मुखेड:– मुंबई येथून परलेल्या तालुक्यातील रावणकोळा येथील आई व मुलास कोरोनाची लागण झाली होती. त्यांना नऊ दिवसांच्या उपचारानंतर सुट्टी देण्यात आली. यावेळी आरोग्य विभागाकडून पुष्पगुच्छ देऊन घरी पाठविण्यात आले. त्यामुळे मुखेड तालुक्यात केवळ दोनच कोरोना संक्रमित रुग्ण उपचार घेत आहेत.तालुक्यातील रावणकोळा येथील मुंबईहून परतलेल्या आई व मुलाच कोरोना सदृश्य आजाराची लक्षणे दिसून आली. परिणामी दि. 21 मे रोजी त्यांना मुखेड येथील कोविड केअर सेंटरमध्ये उपचारासाठी दाखल करण्यात आले होते. त्यांचे नमुने दि. 22 मे रोजी संक्रमित आले. त्यानंतर त्यांना नऊ दिवस मुखेड येेथे उपचार करण्यात आले. त्यांची प्रकृती चांगली झाल्यानंतर त्यांना आज सकाळी साडे अकरा वाजेच्या सुमारास सुट्टी देण्यात आली. यापूर्वी या दोन संक्रमित रुग्णाच्या संपर्कात आलेल्या 12 रुग्णाचे स्वॅबचे अहवाल निगेटिव्ह आले होते.दोन दिवसापूर्वी पहिल्या संक्रमित रुग्णास सुट्टी दिली होती. त्यानंतर आज दुस-या दोन रुग्णांना सुट्टी देण्यात आली. यावेळी नोडल ऑफिसर डॉ. नागेश लखमावार व तालुका आरोग्य अधिकारी डॉ. रमेश गवाले, जयश्री संगेवार, कैलास तेलंग यांच्यासह इतर आरोग्य कर्मचारी उपस्थित होते.