कोरोना गो;आज एकही पॉझिटिव्ह नाही जिल्ह्यातील पाच रुग्ण कोरोनामुक्त

नांदेड , दि . 21 | डॉ . शंकरराव चव्हाण वैद्यकीय महाविद्यालय नांदेड येथील 3 रुग्ण , ग्रामीण रुग्णालय बारड येथील कोवीड केअर सेंटर मधील 1 रुग्ण व यात्री निवास एनआरआय कोवीड सेंटर येथील 1 रुग्ण असे एकुण 5 रुग्ण औषधोपचारामुळे बरे झाल्याने त्यांना रुग्णालयातून सुट्टी देण्यात आली आहे . आतापर्यंत 110 पॉझिटिव्ह रुग्णांपैकी 41 रुग्ण बरे झाल्याने रुग्णालयातून सुट्टी देण्यात आली असून उर्वरीत 62 रुग्णांवर औषधोपचार सुरु आहेत . नांदेड जिल्ह्यात एकुण प्रवासी व प्रत्यक्ष सर्वेक्षणाद्वारे 1 लाख 26 हजार 716 व्यक्तींची तपासणी करण्यात आलेली असून एकुण 2 हजार 827 रुग्णांचे स्वॅब घेण्यात आले आहेत . त्यापैकी 2 हजार 461 स्वब तपासणीचा अहवाल निगेटिव्ह आला असून बुधवार 21 मे रोजी पाठविण्यात आलेल्या 66 रुग्णांचे अहवाल उद्या पर्यंत प्राप्त होतील व 64 रुग्णांचे स्वब तपासणी चालू आहे . घेतलेल्या एकुण स्वबपैकी 110 रुग्णांचे तपासणी अहवाल पॉझिटिव्ह आले आहेत . आतापर्यंत एकुण 110 रुग्णांपैकी 5 रुग्णांचा मृत्यू झाला आहे तर 41 रुग्ण हे बरे झाल्याने त्यांना रुग्णालयातून सुट्टी देण्यात आली आहे . कोरोनाचे 62 रुग्णांपैकी 8 रुग्ण हे डॉ . शंकरराव चव्हाण वैद्यकीय महाविद्यालय नांदेड येथे तर पंजाब भवन कोवीड केअर सेंटर व यात्री निवास कोवीड केअर सेंटर येथे 51 रुग्ण व ग्रामीण रुग्णालय बारड येथील धर्मशाळा कोवीड केअर सेंटरमध्ये 1 रुग्ण , मुखेड उपजिल्हा रुग्णालय येथे 1 रुग्ण , भोकर ग्रामीण रुग्णालय येथे 1 रुग्ण असून या सर्व रुग्णांवर औषधोपचार सुरु असून त्यांची प्रकृती सद्य : स्थिर आहे .जनतेने अफवांवर विश्वास ठेवू नये तसेच मनात कुठल्याही प्रकारची भिती बाळगू नये आणि अत्यावश्यक कामाशिवाय घराबाहेर पडू नये आणि प्रशासनास सहकार्य करावे . तसेच सर्व जनतेने आपल्या मोबाईलवर " आरोग्य सेतू अॅप ” डाऊनलोड करुन घ्यावा , जेणे करुन आपल्या सभोवती कोरोना बाधित रुग्ण असल्यास आपणास सदरील अॅप सतर्क करण्यास मदत करते , असे आवाहन जिल्हा शल्य चिकित्सक डॉ . निळकंठ भोसीकर यांनी केले आहे .