उमरी :तालुक्यातील नागठणा खु. येथील बालयोगी महाराज व एका इसमाची गळा आवळून खुन केल्याच्या घटनेने देशभर खळबळ उडाली होती. या प्रकरणातील आरोपीस भोकर न्यायालयासमोर हजर करण्यात आले होते. या वेळी न्यायदंडाधिकारी यांनी आरोपीस दि. 29 मे पर्यंत पोलिस कोठडी सुनावली,अशी माहिती उमरी पोलिस ठाण्याचे निरीक्षक अशोक अंनतारे यांनी दिली.
उमरी तालुक्यातील नागठाणा खुर्द येथील महादेव मंदिराचे मठाधीश 108 प.पु.बालयोगी निर्वाणरुद्र पशुपती महाराज (वय.33) व भगवान बाबाराव शिंदे (वय.50) यांचा गळा आवळून खून केल्याची घटना रविवार दि. 24 मेच्या मध्यरात्री दोन वाजेच्या सुमारास घडली होती.या दुहेरी हत्याकांडाने राज्यासह देशभर खळबळ उडवून दिली होती. या प्रकरणातील गावातच राहणारा आरोपी साईनाथ आंनदराव लिंगोडे यास त्याच दिवशी तेलंगणा राज्यातील निर्मल जिल्हयातील तान्नूर या गावातून पकडण्यात आले होते.
उमरी पोलिसांनी साईनाथ लिंगोडे यास सोमवार दि. 25 मे रोजी दुपारी एक वाजेच्या सुमारास भोकरच्या न्यायालयासमोर हजर केले, असता न्यायदंडाधिकारी बी.ए. तळेकर यांनी आरोपी साईनाथ लिंगोडे यास चार दिवसांची म्हणजे दि 29 मे पर्यंत पोलिस कोठडी सुनावली आहे. या प्रकरणी सरकारी पक्षाकडून शिवराज डावकरे यांनी तर आरोपीच्या बाजूने आर.डी. खाडे यांनी बाजू मांडली.
.jpeg)
.jpeg)
0 comments:
Post a Comment