जिल्हाधिकार्‍यांनी काढले नवीन आदेश

नांदेड:– नांदेड जिल्हाधिकारी डॉ. विपीन इटनकर यांनी दि. 21 मे रोजी आदेश काढले. परंतु त्यासंबंधीची अधिकृत माहिती प्रशासनाकडून दि. 22 मे रोजी प्रसिद्ध करण्यात आली आहे. या आदेशात रेस्टॉरंटमधून खाद्यपदार्थ घरपोच मागविता येणार असले,तरी इतर सर्व बाबीवर पूर्वीच सारखे निर्बंध राहणा आहेत. या आदेशाची अंमलबजावणी दि. 22 मे पासून सुरु झाली असल्याचे आदेशात नमूद केले आहे.

आदेशात म्हटले, की सर्व शाळा, महाविद्यालय, शैक्षणीक, प्रशिक्षण संस्था बंद राहतील, मात्र ऑनलाईन व आंतर शिक्षणास मुभा असेल, जिल्ह्यातील सर्व ढाबे, तंबाखू व तंबाखूजन्य पदार्थांची दुकाने बंद राहणार आहेत. तसेच चहा व थंड पेय चालू राहणार नाहीत. आठवडी बाजार ही पुढील आदेशापर्यंत बंद राहतील, धार्मिक व पुजेची ठिकाणी बंद असतील, सर्व सिनेमा हॉल, शॉपिंग मॉल, व्यायामशाळा, जलतरण तलाव, बार थिटर, सभागृहे बंद राहणार आहेत.

हॉटेल, रेस्टॉरंट, इतर हॉस्पिटॅलीटीच्या सेवा, गृहनिर्माण आरोग्य/पोलिस/शासकीय अधिकारी/आरोग्य सेवा कर्मचारी/पर्यटकांसह अडकलेली व्यक्ती तसेच विलगीकरण सुविधेसाठी वापरात येणार आहे. मात्र उपरोक्त सेवेसाठी बस स्टॉप, रेल्वेस्टेशन येथ चालू असलेल्या कॅटीनचा वापर करता येणार आहेत. तसेच रेस्टॉरंटला खाद्यपदार्थाच्या होम डिलेव्हरी स्वयंपाकघर वापरण्यास मुभा असणार असल्याचे सांगण्यात आले.