उमरी - नागठाणा प्रकरणात साधुंचा खुन करणारा आरोपी पोलिसांच्या ताब्यात

उमरी- ( प्रतिनिधी ) तालुक्यातील नागठाणा येथिल मठाधिश यांच्या खुन प्रकरणातील आरोपी उमरी पोलिसांनी तेलंगाणातील तानुर ता . भैंसा जि . निजामाबाद येथुन तेलंगणा पोलिसांच्या मदतीने त्याच्या मावशीच्या घरून ताब्यात घेतला आहे . मठाधिश प.पु १०८ बालयोगी निर्वाण रूद्र पशुपती महाराज , व भगवान शिंदे यांची रात्री उशीरा हत्या झाली होती , त्याचे दुपार पर्यंत राज्य भरात तीव्र पडसाद उमटले त्या दरम्यान आरोपींस दुपारी पोलिसांच्या एका पथकाने ताब्यात घेतले .राज्यात सकाळ पासुन मठाधिपती महाराजांची गावातील एका संधिसाधुने रविवारी रात्री गळा आवळुन हत्या केली , हि घटना सकाळी उघडकीस आली , त्या नंतर घटनेचे लोन भक्त गण समाज माध्यमातुन राज्यात पोहचले समाजमाध्यमातुन प्रकरण उचलुन धरल्याने यंत्रणा सतर्क झाली , प्रशासनावर टिका टिप्पणी होताच पोलिसांची तपासाची चक्रे गतीमान झाली , भजपानेही प्रकरण उचलुन धरले होते . तिकडे ग्रामस्थांनी देखिल आरोपीस अटक करे पर्यंत सोपस्कार पुर्ण न होवु देण्याचा निर्णय घेतला होता .येथिल महादेव मंदिरात मठाधीश १०८ प.पु. बालयोगी निर्वाणरुद्र पशुपती महाराज पुजा विधी करत होते . मुळेचे कर्नाटक राज्यातील बेल्लारी येथिल होते . वयाच्या विसाव्या वर्षा पासुन ते इथेच राहतात . मठात राहून आधात्मिक व धार्मिक कार्य करत होते . महाराजांच्या दर्शनासाठी हजारो भाविक - भक्त येत असत . प्रती वर्षी येथे दिपोत्सव भरत असतो . यासाठी तीस ते चाळीस हजार भाविक येतात . त्यांचे शिष्यगण महाराष्ट्र तेलंगाणा राज्याच्या काही भागात आहेत . उमरी तालुक्यातील तळेगाव येथे गोशाळा उभारण्याचे कार्य हाती घेतले होते . हे कामही प्रगतीपथावर होते . पंचक्रोशित धार्मिक कार्यात अग्रेसर असलेले महाराजांच्या हत्येच्या बातमीने रविवारचा दिवस उजाडला.त्याचसोबत मठात राहणारे भगवान शिंदे । चिंचाळा , ता . उमरी ) या सेवकाची सुद्धा गळा आवळून हत्या केल्याचे उघड झाले .या प्रकरणाची साईनाथ आनंदा लिंगाडे याचे कडे संशयाची सुई जात असल्याने तो गुंडप्रवृतीचा आहे असे लोक सांगतात होते , घटने नंतर त्याने दुचाकी वरून तिथुन पळ काढल्याचे प्रत्यक्षदर्शीनी सांगितले होते , या अगोदरही तो वेगवेगळ्या प्रकरणात आरोपी होता असे सांगण्यात येते त्यास पोलिसांच्या एका पथकाने तेलंगाणातील तानुर ता . भैंसा जि . निजामाबाद येथुन तेलंगाणा पोलिसांच्या मदतीने मावशीच्या घरून ताब्यात घेतले आहे . या प्रकरणात आनखी कोणाचा हात आहे का ? याची माहिती आता संशयीत आरोपी कडुन पोलिसांना पाहिजे आहे .